12-10-2015, 17:43

ავტორი: GeorgeBest ,

ნანახია: 1741,

კომენტარები: 6

მატა ესპანეთში დაბრუნებას არ აპირებს

"მანჩესტერ იუნაიტედის" ესპანელმა ნახევარმცველმა, ხუან მატამ განაცხადა, რომ ინგლისში თავს ბედნიერად გრძნობს და კლუბის გამოცვლას არ აპირებს.

"მანჩესტერ იუნაიტედის" ესპანელმა ნახევარმცველმა, ხუან მატამ განაცხადა, რომ ინგლისში თავს ბედნიერად გრძნობს და კლუბის გამოცვლას არ აპირებს. ლა ლიგაში დაბრუნების შესახებ კითხვა El Pais-ის ჟურნალისტმა დაუსვა.

"მეგობრებისა და ოჯახის გარეშე მოწყენილი ვარ, თუმცა მანჩესტერში თავს ბედნიერად ვგრძნობ. ახლა ესპანეთში დაბრუნებაზე არც კი ვფიქრობ. პრემიერ ლიგაში თამაში დიდი გამოცდილებაა, ისეთი გრძნობა მეუფლება, თითქოს ახლახანს ჩამოვედი და კიდევ ბევრი მაქვს გასაკეთებელი. ყველა ფეხბურთელს ვურჩევდი, რომ პრემიერ ლიგაში ერთი სეზონი მაინც ითამაშონ, გულშემატკივრებისა და ჩემპიონატის თვალსაზრისით ეს იდეალური ადგილია.

აქ ფეხბურთელებს განსაკუთრებულად ექცევიან. გულშემატკივრები წაგებული თამაშის შემდეგაც გვერდში გიდგანან, გამხნევებენ და მოუთმენლად ელიან შემდეგ შეხვედრას - ეს წარმოუდგენელი რამაა. ამით ინგლისი ესპანეთისგან ძლიერ განსხვავდება. აქ გულშემატკივარს ფეხბურთის განსაკუთრებული აღქმა აქვს" - განაცხადა ესპანელმა ნახევარმცველმა.

ინტერვიუები

6 კომენტარი

№1

ავტორი: GeorgeBest

12 ოქტომბერი 2015 17:47

სიახლეები: 1729
კომენტარები: 12134

სხვა ამის ადგილას დატოვებდა გუნდს. შარშან არ ეძლეოდა ჯერ სათამაშო დრო, მერე ფლანგზე ათამაშებდნენ. გასაგებია შეიძლება რ აქვს მნიშვნელობა სად დგას მაგრამ ესეთი მაღალი კლასის ფეხბურთელი როცაა უფრო მეტს იმსახურებს. წელს არ ექნება იმედია პრობლემა და სრულად ჩაატარებს სეზონს. თუ ვინგერი დაიმატეს მოუწევს ისევ სკამზე ჯდომა, ან რუნის ამოგდება

№2

ავტორი: ვახო ( G G M U)

12 ოქტომბერი 2015 18:21

სიახლეები: 0
კომენტარები: 4327

მიუხედავად იმისა, რომ მატა ცუდ თამაშს არ აჩვენებს და გოლებიც გააქვს, მაინც მეტს ველით მისგან. მარჯვენა ფლანგზე პრაქტიკულად უკონკურენტოა, ასე რომ იმას ვერ ვიტყვით სათამაშდრო არ ეძლევაო, უბრალოდ კიდევ შეუძლია მომატება და იმედია მოუმატებს კიდევაც.

№3

ავტორი: UTD-Rule

12 ოქტომბერი 2015 19:47

სიახლეები: 410
კომენტარები: 3668

დე ხეას ჩაუტარე ერთ დღეს ლექცია ამ თემაზე ხუან wink

ნუ შეიძლება უკვე აღარ სჭირდება,მაგრამ მაინც.

მატა ისეთი ფეხბურთელია,რომლის გუნდში ყოლასაც ნებისმიერი მწვრთნელი ისურვებდა.ნებისმიერ პოზიციაზე აკეთებს თავის საქმეს მაქსიმალურად,ბოლო დროს გოლების გატანაც დაიწყო და ამჟამინდელ იუნაიტედში ერთ-ერთი ლიდერია,მაგრამ მაინც მოსამატებელი აქვს ფლანგზე თამაში ეს ფაქტია. winked

_ _ _ _ _ _ _ _ _ _ _ _ _ _ _ _ _ _ _ _ "შენ შეიძლება იპოვო ახალი ბექემი ან რონალდო,მაგრამ ვერასოდერს იპოვი სერ ალექსის შემცვლელს. " - ერიკ კანტონა

№4

ავტორი: Mufc7

12 ოქტომბერი 2015 19:53

სიახლეები: 31
კომენტარები: 3018

აქ ფეხბურთელებს განსაკუთრებულად ექცევიან. გულშემატკივრები წაგებული თამაშის შემდეგაც გვერდში გიდგანან, გამხნევებენ და მოუთმენლად ელიან შემდეგ შეხვედრას - ეს წარმოუდგენელი რამაა

_ _ _ _ _ _ _ _ _ _ _ _ _ _ _ _ _ _ _ _ Money can't make history, history makes only legend, legend is only love. Love is MANCHESTER UNITED!

№5

ავტორი: Goginashvili777

12 ოქტომბერი 2015 21:18

სიახლეები: 425
კომენტარები: 1577

არა რა, მართალია ძალიან მაგარი პიროვნებაა და მაღალი კლასის მოთამაშე მაგრამ არ მიმაჩნია მე ეს კაცი ჩვენს მომვლად ... უნდა წავიდეს, ან დარჩეს სკამზე, ნუ ტრანსფერების მერე რათქმაუნდა

_ _ _ _ _ _ _ _ _ _ _ _ _ _ _ _ _ _ _ _ რასაცა გასცემ შენია! , რაც არა ხო ისედაც შენია