ფეხბურთში გატანილი პირველი გოლიდან 13 წლის შემდეგ უეინ რუნის ფორმის აღდგენა უჭირს; მეორე პლანზე ტოვებს მას თინეიჯერი, რომლის შესახებ რამდენიმე კვირის წინ არავინ არაფერი იცოდა. Sky Sports-ი კაპიტნის სირთულეების შესახებ მოგვითხრობს.

"იუნაიტედის" გამარჯვება "ვოლფსბურგის" წინააღმდეგ პირველი გახდა ბოლო 18 თვის განმავლობაში. კლუბი პრემეიერ ლიგის ცხრილს სათავეში პირველად ედგა სერ ალექს ფერგიუსონის წასვლის შემდეგ. მათი კაპიტანი ტყვიაგაუმტარი უნდა ყოფილიყო. მიუხედავად ამისა, უეინ რუნით უკმაყოფილება იზრდება.

ოთხშაბათის მატჩს რუნი ბოლო 7 მატჩში გატანილი 7 გოლით შეხვდა. მაგრამ სტატისტიკას ამყარებს "იპსვიჩის" დუბლირებული შემადგენლობის წინააღმდეგ ზუსტი დარტყმა და რეალიზებული პენალტი სან-მარინოს ნაკრების კარში. რა თქმა უნდა, მტკივნეულია იმის მტკიცება, რომ "სანდერლენდთან" გატანილმა გოლმა დაუყოვნებლივ უნდა მიიქციოს საეჭვოდ გატანილ გოლთა კომისიის ყურადღება.

ნამდვილად რაღაც ისე ვერ არის. და როცა რაღაც ისე ვერ არის უეინ რუნის შემთხვევაში, ამის არ შემჩნევა რთულია. ის ეპიზოდი ნამდვილად უფრო რთული იყო, ვიდრე "ვოლფსბურგთან" პირველი ტაიმის მომენტი, როცა ინგლისელმა, დარტყმის გათვლის გარეშე ბურთი ხარიხას ზემოთ გადაგზავნა მარსიალის შესანიშნავი მოქმედებების შემდეგ. მისი ახალი პარტნიორი შოკში იყო, მაგრამ სხვები უკვე ეგუებიან ამას.

საუკეთესო და ყველაზე უარეს რუნის სხვაობა საგანგაშოა. იქმნება შთაბეჭდილება, რომ რუნი "მანჩესტერ იუნაიტედში" მიმდინარე ცვლილებებისგან შორსაა, არადა, მის ცენტრში უნდა იყოს.

ხასიათის ცვლილების ყველაზე ნათელ კატალიზატორად, რა თქმა უნდა, მარსიალის გამოჩენა ითვლება. დეპაისთან ერთად ფრანგმა ვან გაალს სისწრაფე მისცა, რომელიც მას ღიად და წადილით სურდა: "მრავალ, მრავალ პრესკონფერენციაზე ვთქვი: სისწრაფე მჭირდება". მაგრამ ახალწვეული იმისთვის მოიყვანეს, რომ რუნი შეავსოს და არა შეცვალოს.

რუნის მიერ სხვადასხვა ზონაში მიღებული ბურთი, საიდანაც "ვოლფსბურგისთვის" დამუქრება შეეძლო

სწორედ ეს აკლდათ კაპიტანსა და ხუან მატას. "იუნაიტედის" თამაში მეტად აღარ გვაგონებს ფეხბურთის სამაგიდო სიმულატორს. ახლა მათ შემსრულებლები ჰყავთ, რომელთაც ბურთის გარეშე შეუძლიათ აჩქარება და მცველების გატყუება მათი პოზიციიდან. ახალგაზრდა ფეხბურთელების გამოჩენით, რომლებიც ოპერატიულ სივრცეს ქმნიან, ხუანსა და უეინს შესაძლებლობა ეძლევად თავიანთი კლასის სრული დემონსტრირება მოახდინონ.

მაგრამ თუ მატა ასეთ აქტივობაში გაიფურჩქნა, რუნი მსგავს კონტრასტში უფრო ნელი გამოჩნდა. მატა "კედლის" გათამაშებით ყოველთვის აქტიურია, ხოლო რუნის მოქმედებები იშვიათად იწვევენ კეთილგანწყობნას. Opta-ს სტატისტიკით, მან ხუთჯერ მეტი არაზუსტი გადაცემა გააკეთა, ვიდრე ესპანელმა და ამასთან ერთად, შექმნილი შანსების მიხედვით 5-1-ა მატას სასარგებლოდ.



მარსიალის თამაში უკვე ცვლის სპეციალისტთა აზრს. "მეგონა, "იუნაიტედმა" ფლანგის თავდამსხმელი შეიძინა. მაგრამ სინამდვილეში მათ "ათიანი" იყიდეს, რომელსაც შეტევის დამწყები შეუძლია იყოს და გოლების გატანისა და აჩქარებების კეთების გარეშეც კი იყოს ფეხბურთელი, რომელსაც აწვდიან ყველა გადაცემას; მსგავს რამეს არ ველოდი", - ამბობს გარი ნევილი.

მარსიალმა რუნის გოლების გატანის წილი ზეწოლა მოხსნა. ფაქტია, პრემიერ ლიგაში ფრანგმა რუნიზე სამჯერ მეტი გოლი გაიტანა. ამიტომ 25 გოლის გატანის მიზანი, რომელიც ვან გაალმა იმის გამო დააწესა, რომ რუნი "უფრო ხშირად ითამაშებს ფორვარდის პოზიციაზე" და ამიტომ "უნდა დაამტკიცოს" გოლების გატანის თავისი უნარი, გადახედვას საჭიროებს.

მაგრამ თუ რუნი "ათიანის" პოზიციაზე დაბრუნდა, მაშინ გოლების გატანის შემცირებული პასუხისმგებლობა გოლების შექმნის პასუხისმგებლობით იზრდება - და ეს ის როლია, რომელთანაც რუნის რთული ურთიერთობა აქვს. კრეატიულობა გადაცემებში და სიზუსტე დაცვის გარღვევაში - რთული უნარებია და მაჩვენებლები ამტკიცებს: მაშინაც კი, როცა რუნი სიღრმეში იწევს, პასის კეთების მისი მანერა იგივე რჩება.

"ვოლფსბურგთან" მატჩში კაპიტანი ხშირად იღებდა ბურთს მოედნის ცენტრში, როცა კარამდე 40-50 იარდი აშორებდა. მიუხედავად შეტევის გამწვავების ვარიანტებისა, უკან თამაშის ინსტინქტი, რომელიც ეფექტურია თავდამსხმელისთვის ბურთის დაჭერისას, მას აიძულებს შეტევის დაჩქარების ნაცვლად უკან გააკეთოს პასი. დავიდ დე ხეამ რუნისგან უფრო მეტი გადაცემა მიიღო, ვიდრე მემფის დეპაიმ.




რუნის რადარი პრობლემას წარმოაჩენს. მისი პასებიდან არც ერთი (არც ზუსტი, არც სხვა) არ იყო წინ გაკეთებული. შედარებისთვის, მატამ პასების უმრავლესობა ამ ზონიდან გააკეთა. ნომინალურად ესპანელი ფლანგზე მარჯვენა ვინგერის როლში მოქმედებდა, მაგრამ, მოვლენათა განვითარების ეპიცენტრში იმყოფებოდა. რუნი, რომელიც "ათიანის" ამპლუაში გვევლინება, მსგავსად უნდა კომბინირებდეს.

რა მოხდა შემდეგ? როგორც ჩანს, სწორედ რუნის აწევს შეტევის ხაზის სხვა სამი ფეხბურთელის ურთიერთქმედების დალაგება, რომელთაგან თითოეული მოცემულ მომენტში კაპიტანზე უკეთ მოქმედებს. კერძოდ, აუცილებლად გაუმჯობესდება ურთიერთქმედება მარსიალთან. "მინდა ვითამაშო სუფთა ფორვარდით და დაწეული თავდამსხმელით და შესაძლოა, შესანიშნავი კავშირი გამოდგეს. უნდა მოვიცადოთ და ვნახოთ" - თვლის ვან გაალი.



"იუნაიტედისთვის" პრემიერ ლიგაში რთული მონაკვეთი "არსენალთან" მარცხით დაიწყო, წინ კი "ევერტონთან" მატჩია, რომელიც წინ უძღვის "ოლდ ტრაფორდზე" მანჩესტერულ დერბის. თუ ასეთი მატჩების შემდეგ ვან გაალის გუნდი პრემიერ ლიგის ცხრილის სათავეში დარჩება, დაამტკიცებს, რომ ტიტულისთვის ბრძოლა ამ სეზონში შეუძლია.

წყარო: skysports