ბასტიან შვაინშტაიგერის წარდგენა მკითხველისთვის საჭიროებას არ წარმოადგენს, გერმანიის ნაკრების კაპიტანი, მსოფლიოს ჩემპიონი და საერთოდ, გერმანული ფეხბურთის სახე დღეს ''მანჩესტერ იუნაიტედის'' რიგებში გამოდის, ასეთი კლასის მქონე ფეხბურთელი ნებისმიერი გუნდისთვის დიდი ფუფუნებაა, გარდა მაღალი კლასისა და გამოცდილებისა, ბასტიანში არის ის ლიდერული თვისებები, რაც თანამედროვე ფეხბურთში ნაკლებად თუ შეგვხვდება.


მისი ამ კლუბში გამოსვლა თავისი სურვილი და ოცნება ყოფილა, რა თქმა უნდა, მისი პირველი სიყვარული მიუნხენის ბაიერნია, უდიდესი გუნდი გერმანიიდან, რომელმაც ბასტის ხელი შეუწყო ყველაფერში, რომ ყოფილიყო ის, ვინც დღეს არის, თუმცა თავის მხრივ, ბასტიც პირნათლად ემსახურებოდა “ბავარიას” , მასთან ერთად ყველაფრის მოგებაც შეძლო.
ასეთი კადრის ყოლა უკვე ბევრს ნიშნავს, ჯერ მხოლოდ სახელი დღევანდელ ფეხბურთში- ბასტიან შვაინშტაიგერი ბევრს ნიშნავს მეტოქისთვის.


ბასტიანი ძალიან იოლად მოერგო ''იუნაიტედს'', თითქოს მთელი ცხოვრება ''ოლდ ტრაფორდზე'' აქვს გატარებული, პირველივე წუთებიდან თავისიანად მიიღო პუბლიკა და პუბლიკამაც შესაბამისად უპასუხა, მოედანზე პირველი წამები ''იუნაიტედის'' მაისურით და ის უკვე ლიდერია, იძლევა მითითებებს, თამაშს იღებს საკუთარ თავზე, იხარჯება ბოლომდე და არის მოედნის ცენტრის მეთაური. ის არის ნამდვილი მებრძოლი, რაც ''იუნაიტედს'' ბოლო წლებში ყოველთვის სჭირდებოდა. რაც მთავარია, განსაკუთრებული ხასიათი მინდორზე.


ის არის მოდელი ნამდვილი პროფესიონალი ფეხბურთელის, რომელიც იდეალური მაგალითია ახალგაზრდა ფეხბურთელებისთვის.


თქვენ თუ დააკვირდებით მატჩის დროს ბასტიანს, როცა ის უბურთოდ მოძრაობს, დაინახავთ, რამხელა ძალაა ის გუნდისთვის, თანაგუნდელების ზედმეტი ყური და თვალია მოედანზე.


საფეხბურთო კლასისა და გამოცდილების გარდა, არის ისეთი დეტალებიც, რაც მხოლოდ განსაკუთრებულ ფეხბურთელებს აქვთ, იციან თავისი და თავისი გუნდის ფასი და ღირსეულად გამოდიან ნებისმიერი სიტუაციიდან, ურთულეს დროსაც კი.


მას ყოველთვის ბოლომდე თამაში უნდა, უნდა დაიხარჯოს ბოლომდე და დადოს თავი თავისი გუნდისთვის, არ ეგუება შედეგს და მდგომარეობას, მისი გონება ყოველთვის მომართულია წინ! იდეალურად ახერხებს დაცვისა და შეტევის შუაში კომბინირებას, ის შეიძლება უცებ თავდამსხმელების უკან აღმოჩნდეს ჩასაფრებული, მეორე მომენტში თავის მეკარეს თავისივე საჯარიმოში სთხოვს ბურთს შეტევის დასაწყებად.


შვაინშტაიგერის გამარჯვებულის მენტალიტეტი გუნდს დაეხმარება მომავალში, მისი უმაღლესი კლასი და გამოცდეილება, ევროპის და მსოფლიოს უდიდეს მოედნებზე მოპოვებული გამარჯვების გემო მას სისხლში აქვს. ყველაფერ ამის გათვალისწინებით ის იქცა ფანების დიდი პატივისცემის ობიექტად. დარწმუნებული ვარ, მისი როლი იუნაიტედში ბოლომდე ძალიან დიდი იქნება, როგორც მოედანზე, ისე მის გარეთ.



წყარო: DavidBeroWP.Com