პირველ ტაიმზე
"ამას არ ველოდი. გაოცებული ვიყავი, შემუშავებული გეგმა არ სრულდებოდა, მოგების არანაირი იმედი ჩანდა. როცა "არსენალს" და მსგავს გუნდებს ამხელა სივრცეს დაუთმობ, ყოველთვის ანალოგიურ შედეგს მიიღებ. და როცა მატჩს ასე დაიწყებ, აუცილებლად დამარცხდები. ყველა ბრძოლას, ყველა დუელს ვაგებდით. ჩვენ შეცდომებს ისინი კარგად იყენებდნენ, "არსენალი" ფანტასტიკური გუნდია, ეს აქამდეც მითქვამს. ცხრილის ლიდერები ვიყავით და ჩვენი პოზიცია უნდა დაგვეცვა, "არსენალთან" "იუნაიტედს" ამის გაკეთება შეუძლია, მაგრამ დღეს არ გამოგვივიდა. ჩვენ გვინდოდა კომპაქტურად გვეთამაშა, მაგრამ აგრესიის ნაკლებობამ გეგმა ვერ შეგვასრულებინა. ამ ფაქტით ძალიან იმედგაცრუებული ვარ."

მარცხზე
"ჯერ-ჯერობით არ მაქვს ჩამოყალიბებული აზრი, რატომ განვითარდა მოვლენები ამდაგვარად. ამ კითხვაზე პასუხის გასაცემად ჯერ ჩემს მოთამაშეებს უნდა გავესაუბრო. ფეხბურთელები ემოციურ მდგომარეობაში არიან. წავაგეთ ისე, როგორც არ უნდა აგებდეს ცხრილის პირველადგილოსანი. ძალიან ცუდია, რომ მოთამაშეები საკუთარი ქვეყნის ნაკრებებში სათამაშოდ მიემგზავრებიან. საშუალება არ მეძლევა სიტუაცია შევცვალო და მათ თავდაჯერებულობა მოვუმატო. ისინი პრემიერ ლიგის განახლებამდე ძალიან ცოტა ხნით ადრე ჩამოვლენ, არ შემეძლება გავრკვე მათ ფსიქოლოგიურ და ფიზიკურ მომზადებაში, არ მოგვეცემა საშუალება ჩავატაროთ ვარჯიში და დავსახოთ გეგმა."

"იუნაიტედის" ფანებს
"შეხვედრის დასრულების შემდეგ, ფეხბურთელებს ყოველთვის ფანების სექტორისკენ ვგზავნი. არ აქვს ანგარიშს მნიშვნელობა, ისინი ყოველთვის იქ არიან და ყოველთვის მხარს გვიჭერენ. ასე მოიქცნენ დღესაც. მათ ყოველთვის გადავუხდი მადლობას, მარცხის და გამარჯვების შემთხვევაშიც."

წყარო: manutd.com