"მანჩესტერ იუნაიტედის" ლეგენდარულ ყოფილ ფეხბურთელს, დევიდ ბექჰემს მიაჩნია, რომ ერთიანობა ერთ-ერთი მთავარი ფაქტორია იმისა, თუ რატომ არის ლუი ვან გაალის გუნდი პრემიერ ლიგის სათავეში.

ბექჰემმა, რომელიც მომდევნო თვეს "ოლდ ტრაფორდს" დაუბრუნდება, გუნდში ნანახით აღფრთოვანება ვერ დამალა და ახალგაზრდა მოთამაშეები განსაკუთრებულად შეაქო.

კვირას "წითლებს" ნამდვილი გამოცდა ელით, მაგრამ ბექჰემს მიაჩნია, რომ მისი ყოფილი გუნდი გამარჯვებების მოპოვებას "არსენალის" წინააღმდეგაც გააგრძელებს და ამას გუნდური სულისკვეთების დახმარებით შეძლებს.

"ვფიქრობ, ამჟამად ძალიან ამაღევებელია ეს ყველაფერი, რადგან გუნდში მრავალი ახალგაზრდა ფეხბურთელია მოსული. წინამძღოლად უეინი გყავს და ისე ჩანს, თითქოს ყველაფერი ერთად მოდის. ვფიქრობ, მნიშვნელოვანია, რომ ეს ერთიანობა გვაქვს, რაც ჩემს პერიოდში და საერთოდ "მანჩესტერ იუნაიტედის" ყველა დროის გუნდში გვაბრუნებს - ვხედავთ, რომ გვაქვს, რაც დიდებულია. იმედი მაქვს, ახალგაზრდა ფეხბურთელები, რომლებიც მწვრთნელმა მოიყვანა, ისევე გააგრძელებენ თამაშს, როგორც თამაშობენ.

მირჩევნია ვიფიქრო, რომ კვირას ფორმას არ დავკარგავთ. დიდი მატჩია. ასეთი თამაშები იმათ რიცხვში შედის, რომელთაც მოუთმენლად ელოდები, როგორც მოთამაშე. როცა სეზონის სტარტზე კალენდარს იღებ, პირველ რიგში "სიტისთან", "ლივერპულთან", "არსენალთან" მატჩებს უყურებ... ეს არის მატჩები, რომელთა ნაწილიც გინდა იყო.

"არსენალის" წინააღმდეგ თამაში სეზონის ერთ-ერთი მოვლენა იყო, განსაკუთრებით იმ წინააღმდეგოს გამო, რომელიც ჩემს პერიოდში იყო. "იუნაიტედს" ჩემპიონთა ლიგაზე კარგი შედეგი აქვს, "არსენალს" არა, ასე რომ, ცოტა წნეხი იქნება, განსაკუთრებით "არსენალზე", მაგრამ არსენ ვენგერი კარგი მწვრთნელია და კარგი გუნდი ჰყავს. ფეხბურთში ყოველთვის არის რთული მომენტები, მაგრამ "იუნაიტედი" ახლა კარგ ფორმაშია და ვიმედოვნებ, ასეც იქნება".

წყარო: manutd.com