"მანჩესტერ იუნაიტედის" მთავარი მწვრთნელი, ლუი ვან გაალი ფიქრობს, რომ ხალხი მის გუნდში ჩემპიონობის ნამდვილ კანდიდატს დაინახავს, როცა "წითელი ეშმაკები" "არსენალს" დაამარცხებენ.

დღეს "იუნაიტედი" "ემირეიტს სტედიუმზე" სწორედ არსენ ვენგერის გუნდს შეხვდება და გამარჯვების შემთხვევაში პრემიერ ლიგის ცხრილის სათავეში ადგილს შეინარჩუნებს. ვან გაალს კი შესაძლებლობით სარგებლობა სურს.

"ვფიქრობ, ყოველთვის უნდა გჯეროდეს, რომ ტიტულს მოიგებ. ახლა ფეხბურთელთა ბალანსი გაცილებით უკეთესია, ვიდრე გასულ სეზონში, თუმცა მაშინაც გვქონდა შანსი.

ამიტომ, დიახ, ამის მჯერა, მაგრამ მთავარი ისაა, რომ მჯერა არა მარტო მე, არამედ ჩემს მოთამაშეებსაც. როცა "არსენალს" მოვუგებთ, რწმენა მნიშვნელოვნად გაიზრდება".