1979 წლის ინგლისის თასის ფინალიდან რაიან გიგზის დაუჯერებელ გოლამდე, ბუფეტში ბრძოლიდან დამამცირებელ 8-2-მდე.

ეს არის მატჩები, რომლებიც მეხსირებაში რჩება. აი მათგან ხუთი გამორჩეული.



ძველი რწმენა, რომლის თანახმად გუნდი ყველაზე დაუცველი მაშინაა, როცა ეს-ესაა გოლი გაიტანა, თითქოს სპეციალურად ამ მატჩისთვის მოიგონეს, რადგან ალან სანდერლენდის გოლმა "იუნაიტედის" ქამბექი დაჩრდილა. "მეთოფეები" ბრაიან ტელბოტის გოლით დაწინაურდნენ, შესვენებამდე კი ფრენკ სტეპლტონმა ანგარიშში სხვაობა გაზარდა, რომელსაც ასისტენტობა კვლავ ლიამ ბრედიმ გაუწია.

მაგრამ გორდონ მაკკვინმა ერთი ბურთი გაქვითა, როცა მხოლოდ 5 წუთი რჩებოდა, სემი მაკილროის გვინადელმა გოლმა კი, თითქოს ქამბექი დაასრულა. მიუხედავად ამისა, როცა ჩანდა, რომ იღბალი დეივ სექსტონის გუნდის მხარეს იყო, სანდერლენდმა რემ რიქსის ჩაწოდებული შორეულ ძელთან გადაგზავნა და "არსენალისთვის" ეს მატჩი მოიგო. საოცარია, რომ მატჩი "ხუთი წუთის ფინალად" მონათლეს.





ინგლისის თასის ეს ცნობილი დაპირისპირება დრამატული გამოდგა. დევიდ ბექჰემმა ანგარიში გახსნა ბურთის შორეულ კუთხეში გადაგზავნით - პირველი გოლი, რომელიც "არსენალმა" 7 საათზე მეტი ხნის განმავლობაში გაუშვა. მაგრამ მეორე ტაიმის შუაში დენის ბერგკამპმა ლამაზი ბრუნით ანგარიში გაათანაბრა, შემდეგ კი "მეთოფეებს" დაწინაურებაც შეეძლოთ, მაგრამ ნიკოლა ანელკას გოლი თამაშგარის გამო არ ჩაითვალა.




ამ მომენტიდან ძალიან მალე როი კინი გააძევეს, "არსენალმა" ინიციატივა ხელთ იგდო და გამარჯვებისთვის მზად იყო, როცა ფილ ნევილმა თავის კართან რეი პარლორი წააქცია და ჯარიმა აიღო. მაგრამ პეტერ შმეიხელმა დენის ბერგკამპის დარტყმული აიღო და როცა პატრიკ ვიეირამ ბურთი დაკარგა, მას შეცვლაზე შესული რაიან გიგზი დაეუფლა, რის შემდეგაც უელსელმა ერთ-ერთი უდიდესი ინდივიდუალური გოლი გაიტანა. "ყველაზე იღბლიანი გამარჯვება" - განაცხადა არსენ ვენგერმა.





უქმეებზე ინგლისის თასის ფინალში კარდიფში "ჩელსის" დამარცხების შემდეგ "არსენალი" შუა კვირაში "ოლდ ტრაფორდზე" გაემგზავრა, ბოლო ორ მატჩში მათ მხოლოდ 1 ქულა ესაჭიროებოდათ, რათა ჩემპიონატი მოეგოთ და დუბლი გაეკეთებინათ. სამივე ქულა აიღეს და "იუნაიტედის" ბანაკი, რომელმაც მანამდე პრემიერ ლიგის ტიტული ზედიზედ სამჯერ მოიგო, შეაძრწუნეს.




სილვენ უილტორი იმ მატჩის გმირი გახდა, რამეთუ ერთადერთი გოლი გაიტანა. უილტორი კლუბის რიგებში მე-100 შეხვედრა ატარებდა, "მეთოფეები" კი თავიანთ სტატისტიკას, ჩემპიონატის ყოველ ტურში გოლის გატანას აგრძელებდნენ. როი კინი და პოლ სქოულზი მოედნის ცენტრში ირჯებოდნენ, მაგრამ "არსენალი" დაუჩოქებელი იყო მას შემდეგაც კი, როცა მეორე ტაიმში რუუდ ვან ნისტელროი შეცვლაზე გამოვიდა. "არსენალმა" "იუნაიტედს" სეზონში მე-6 საშინაო მარცხი აწვნია.

"მანჩესტერ იუნაიტედი" 2-0 "არსენალი" - 2004, პრემიერ ლიგა

"არსენალის" 49-მატჩიანი წაუგებელი სერიის დასასრული ისტორიაში შევიდა, როგორც "ბუფეტში ბრძოლა", ხოლო გუნდებს შორის დაპირისპირებამ პიკს მიაღწია. "ეს არის ერთადერთი მატჩი, რომელშიც მოწინააღმდეგისადმი სისასტიკეში დამადანაშაულეს" - განაცხადა გარი ნევილმა. "იუნაიტედმა" გადაწყვიტა "დაუმარცხებლებისთვის" ომი გამოეცხადებინა. როი კეროლი მოულოდნელი გმირი გახდა, რამეთუ რამდენიმე სეივი განახორციელა, ხოლო "იუნაიტედმა" თავისი შანსი გამოიყენა, როცა უეინ რუნიზე სოლ კემპბელის მიერ წესების დარღვევის გამო პენალტი დაიდო, რუდ ვან ნისტელროიმ კი შეასრულა.

რუდ ვან ნისტელროი 2004 წლის მატჩში ანგარიშს ხსნის

რუნიმ, რომელსაც იმ დღეს 19 წელი შეუსრულდა, საბოლოო ანგარიში დააფიქსირა, როცა თავად გაიტანა, ნამდვილი დრამა კი მოგვიანებით შედგა. "არსენალის" მოთამაშემ, რომელიც მოგვიანებით სესკ ფაბრეგასი აღმოჩნდა, თითქოსდა სერ ალექს ფერგიუსონს პიცა ესროლა. მარცხმა არსენ ვენგერის გუნდის სეზონზე თავისებური გავლენა იქონია და საბოლოოდ ტიტული "ჩელსის" დაუთმო, რომელთათვის ეს გამარჯვება ბოლო 50 წლის განმავლობაში პირველი აღმოჩნდა.

"მანჩესტერ იუნაიტედი" 8-2 "არსენალი" - 2011, პრემიერ ლიგა

2011 წლის აგვისტო ნამდვილად დაგვამახსოვრდება ყველაზე მოულოდნელი ანგარიშით. იმ დღეს "იუნაიტედმა" "არსენალს" 1896 წლიდან ყველაზე დიდი მარცხი მიაყენა. შეხვედრა ნამდვილი კოშმარი გახდა ზეწოლის ქვეშ მყოფი არსენ ვენგერისთვის, რადგან მისმა გუნდმა პირველ ორ ტურში მხოლოდ 1 ქულა აიღო. "ოლდ ტრაფორდზე" სრულიად გაცამტვერდნენ, როცა უკვე პირველ ტაიმში დენი უელბეკის, ეშლი იანგისა და უეინ რუნის გოლების წყალობით ანგარიში გამანადგურებელი იყო.

2011 წელს "იუნაიტედი" "ოლდ ტრაფორდზე" "არსენალს" ანადგურებს

ფერგიუსონის გუნდი 6-2 იგებდა, როცა კარლ ჯენკინსონი გააძევეს, რუნიმ კი პენალტიდან თავისი მესამე გოლი გაიტანა. დრო საკმარისი იყო იმისთვისაც, რომ იანგს "არსენალის" კარში მერვე გოლი გაეტანა და სასოწარკვეთილი ვენგერი სატრანსფერო ბაზარზე პანიკური შენაძენების განსახორციელებად გაეგზავნა. მაგრამ "იუნაიტედი" ძალიან დიდი ხნის განმავლობაში ვერ ზეიმობდა. მომდევნო ორი მატჩი მოგების შემდეგ თავად განიცადეს გამანადგურებელი მარცხი მეზობელი "სიტისგან" 6-1.



წყარო: skysports