მიმდინარე სეზონში, დეილი ბლინდმა კლუბის თითოეულ ფეხბურთელზე მეტი დრო დაჰყო მოედანზე, თუმცა ჰოლანდიელი მცველის განცხადებით, ის თავს ჯერ კიდევ კარგად გრძნობს, იმისთვის რომ მომდევნო ტურში ლონდონის "არსენალს" დაუპირისპირდეს.

რთულია თუ არა მოემზადო ასეთი დიდი თამაშისთვის ასეთ მოკლე დროში, მას შემდეგ რაც ოთხშაბათს "ვოლფსბურგთან" გამარჯვება მოიპოვეთ?

"მე ასე არ ვფიქრობ, განსაკუთრებით ისეთი თამაშებისთვის, როგორიც არსენალთან მატჩი იქნება. როგორც მოთამაშეს გინდა, რომ ყველა ეს თამაში ითამაშო. მენტალურად, მე ვფიქრობ, რომ მზად ვარ ამისთვის. მართალია დიდი დრო არ გვაქვს მოსამზადებლად, თუმცა ვალდებულები ვართ ამ დროში დავისვენოთ და ფორმა აღვიდგინოთ. მე ვფიქრობ ეს მნიშვნელოვანია, თუმცა პირადად მე თავს კარგად ვგრძნობ და ეს მახარებს".

"არსენალმა" შუა კვირას, "ოლიმპიაკოსთან" მატჩი დათმო. როგორ ფიქრობ, რა გავლენას იქონიებს ეს კვირას მათ გამოსვლაზე?

"რა თქმა უნდა, ჩემპიონთა ლიგაზე განცდილი მარცხის შემდეგ, ისინი ამ ყველაფრის გამოსწორებას ეცდებიან, მაგრამ ეს მათთვის რთული იქნება, რადგან ჩვენ კარგ გუნებაზე ვართ. ყოველთვის დიდებულია გამოხვიდე მოედანზე, როგორც ლიგის ლიდერი და ითამაშო ამ სტატუსით, ეს შესანიშნავი შეგრძნებაა. ეს განსაკუთრებული გრძნობაა. ჩვენ ახლა სწორედ ამ მდგომარეობაში ვართ და ყველაფერს გავაკეთებთ იმისთვის, რომ ეს ადგილი შევინარჩუნოთ, ამისთვის კი ყოველთვის მზად უნდა იყო. "არსენალი" მოედანზე ძლიერი გამოვა, ჩვენ კი უნდა დავრწმუნდეთ, რომ 3 ქულის მოპოვებას კვლავ შევძლებთ."

წინა სანაკრებო შესვენებამდე, თქვენ თითქოს "სუონსთან" განცდილმა მარცხმა აგაფორიაქათ. არის თუ არა ეს დამატებითი მოტივაცია, რათა თავიდან აიცილოთ კიდევ ერთი მსგავსი შემთხვევა?

"ჩვენ ამაზე უკვე ვისაუბრეთ და გვინდა თავიდან ავიცილოთ მარცხი. ეს არ არის კარგი გრძნობა. ასევე გვინდა ნაკრებიდანაც გამარჯვებულები დავბრუნდეთ, რათა ორი კვირის შემდეგაც, პრემიერ ლიგის მატჩს მოტივირებულები შევხვდეთ. ასე რომ ყველას გვინდა სანაკრებო შესვენებაზე გამარჯვებულები და კარგ განწყობაზე მყოფები წავიდეთ".

manutd.com