სტადიონი: Emirates Stadium, ლონდონი მონაცემი: ინგლისის პრემიერ ლიგა, მე-8 ტური თარიღი: კვირა, 4 ოქტომბერი, 2015 წელი მთავარი მსაჯი: ენტონი ტეილორი მატჩის დასაწყისი: 19:00, (ჩვენი დროით)
მასპინძლებს საკვირაო შეხვედრაში ვერ დაეხმარება დაცვის ცენტრის ერთ-ერთი ლიდერი ლორან კოშელნი, რომელმაც ტრავმა ჩემპიონთა ლიგის მატჩში მიიღო, "ოლიმპიაკოსის" წინააღმდეგ. არსენ ვენგერი კვლავ ვერ დაიხმარს უელბეკს, უილშირსა და როსიცკის, რომლებიც დიდი ხანია ლაზარეთში იმყოფებიან.
"ვოლსბურგთან" გამოტოვებული მატჩის შემდეგ გუნდს უბრუნდებიან მაიკლ კერიკი და ანდერ ერერა, მარკოს როხოს თამაში კი კითხვის ნიშნის ქვეშ დგას.
"არსენალი"
მე-4 ადგილი, 13 ქულა
უკანასკნელი 6 შეხვედრა: მ-ფ-მ-მ-წ-მ
"არსენალმა" "იუნაიტედის" წინააღმდეგ პრემიერ ლიგაში გამართული ბოლო 13 შეხვედრიდან მხოლოდ ერთი მოიგო - 4 ფრე და 8 მარცხი.
"მეთოფეებს" "ეშმაკების" წინააღმდეგ ყველაზე ცუდი ბალანსი აქვთ, პრემიერ ლიგის დაარსებიდან ამ ორ გუნდს შორის გამართული შეხვედრების მხოლოდ 24 % აქვს მოგებული ლონდონურ კლუბს.
"მანჩესტერ იუნაიტედი"
1-ლი ადგილი, 16 ქულა
უკანასკნელი 6 შეხვედრა: მ-ფ-წ-მ-მ-მ
"მანჩესტერ იუნაიტედი" პრემიერ ლიგის შეხვედრას ლიდერის რანგში პირველად შეხვდება 2013 წლის 26 აგვისტოს შემდეგ.
ლუი ვან გაალი არსენ ვენგერის წინააღმდეგ ყველა ტურნირზე მხოლოდ ერთხელ დამარცხდა, სულ კი ამ ორი სპეციალისტის გუნდებმა 5-ჯერ ითამაშეს ერთმანეთის წინააღმდეგ.
"იუნაიტედს" არ წაუგია ბოლო 4 საგარეო შეხვედრა "არსენალის" წინააღმდეგ.
მოთამაშეების შესახებ ცნობები და პოტენციური რეკორდები
"არსენალი"
წამყვანი ბომბარდირი: სანჩესი, უოლკოტი - 4-4 გოლი
ტეო უოლკოტმა ბოლო 13 შეხვედრაში, როდესაც იგი სასტარტო შემადგენლობაში იყო 12 გოლი გაიტანა.
სანტი კასორლა 2012 წლის აგვისტოს შემდეგ, როდესაც მისი დებიუტი შედგა, პრემიერ ლიგაში ყველაზე მეტი, 32 საგოლე პასი გააკეთა.
"მეთოფეების" ორ ნახევარმცველმა, მესუთ იოზილმა და სანტი კასორლამ მიმდინარე სეზონში პრემიერ ლიგაში ყველაზე მეტი საგოლე მომენტი შექმნეს, კერძოდ, 29 და 28, შესაბამისად.
"მანჩესტერ იუნაიტედი"
წამყვანი ბომბარდირები:მარსიალი, მატა - 4-4 გოლი.
უეინ რუნიმ "არსენალის" კარში 11 გოლის გატანა მოახერხა, ინგლისელ ფორვარდს ამაზე მეტი გოლი მხოლოდ ორი გუნდის კარში აქვს გატანილი: "ნიუკასლი" (12) და "ასტონ ვილა" (13).
ენტონი მარსიალიმ 3 შეხვედრაში 4 გოლში მიიღო უშუალო მონაწილეობა: 3 თავად გაიტანა, ხოლო 1 სხვას გაატანინა.
"იუნაიტედის" კაპიტანმა თავისი პირველი, "იუნაიტედის" მაისურით პირველი და მეასე გოლი სწორედ "მეთოფეთა" წინააღმდეგ გაიტანა.
ურთიერთშეხვედრები
გუნდები ერთმანეთს ყველა ტურნირის ეგიდით 221-ჯერ შეხვდნენ. "არსენალმა" 79-ჯერ მოახერხა გამარჯვება, "იუნაიტედმა" 93-ჯერ, ხოლო 49 მატჩი ფრედ დასრულდა.
"არსენალის" წინააღმდეგ ჩატარებულ ბოლო 16 შეხვედრაში "იუნაიტედმა" 10 გამარჯვება მოიპოვა, 4 მატჩი ფრედ დასრულდა, ხოლო ორჯერ დამარცხდა.
"არსენალმა" "იუნაიტედის" წინააღმდეგ ჩატარებულ ბოლო 13 შეხვედრაში მხოლოდ 2 გამარჯვება მოიპოვა - 2 მოგება, 4 ფრე, 7 მარცხი.
"არსენალმა" "იუნაიტედი" პრემიერ ლიგაში უკანასკნელად 2011 წელს 1-0 დაამრცხა აარონ რემსის გოლის წყალობით.
პრემიერ ლიგაში "არსენალი" "მანჩესტერ იუნაიტედის" წინააღმდეგ 21-ჯერ დამარცხდა - ეს ყველაზე ცუდი მაჩვენებელია სხვა გუნდებთან შედარებით.
ურთიერთშეხვედრებში დაფიქსირებული სტატისტიკური მონაცემები
22 ნოემბერი, 2014 წელი მსაჯი: მაიკ დინი გოლის ავტორ(ებ)ი "არსენალის" მხრიდან: ჟირუ 90+5' გოლის ავტორ(ებ)ი "იუნაიტედის" მხრიდან: კეირონ გიბსი(ა.გ) 56', უეინ რუნი 85'