„იუნაიტედის“ ესპანელი ნახევარმცველი, ხუან მატა დღეს „ოლდ ტრაფორდზე“ ჩემპიონთა ლიგის მატჩს პირველად ითამაშებს. მატა კლუბს 2014 წელს შემოუერთდა, თუმცა ლიგაზე თამაშის უფლება არ ჰქონდა. ესპანელი მოუთმენლად ელის დღევანდელ შეხვედრას და დარწმუნებულია, რომ კლუბი დღეიდან დაიწყებს მოგებული მატჩების სერიას.

„მოუთმენლად ველი „ვოლფსბურგთან“ მატჩს. როცა „იუნაიტედს“ შევუერთდი, ჩემპიონთა ლიგაზე თამაში არ შემეძლო, რადგან ამ სეზონში „ჩელსისთან“ ერთად მატჩი უკვე მქონდა ჩატარებული. თუმცა, დავესწარი მატჩებს „ბაიერნთან“ და „ოლიმპიაკოსთან“, სადაც ატმოსფერო ნამდვილად განსხვავებული და განსაკუთრებული იყო. „იუნაიტედს“ გასულ წლებში ბევრი განსაკუთრებული საღამო ჰქონდა და გვინდა ამ საღამოების დაბრუნება „ვოლფსბურგიდან“ დავიწყოთ.

წინ რთული მეტოქე გველოდება, გასულ სეზონში ბუნდესლიგაში ისინი მშვენივრად თამაშობდნენ. იულიან დრაქსლერი მათი განსაკუთრებული მოთამაშეა, ის ნამდვილად კარგი 10 ნომერია. მოგვიწევს მისთვის მზად ვიყოთ. ჩვენი უმთავრესი მიზანი ჯგუფიდან რაც შეიძლება შორს გასვლაა. გულშემატკივრები ჩვენგან რაღაც დიდს ელიან და ვეცდებით მათ იმედები გავუმართლოთ“ - განაცხადა ესპანელმა ნახევარმცველმა.