ლუი ვან გაალი იმდენად ააღელვა პრემიერ ლიგის ცხრილის სათავეში მისი გუნდის პირველად მოხვედრამ, რომ სიხარული დაცვის თანამშრომელ ბიჭთან ერთად გაიზიარა.

ჰოლანდიელმა "სანდერლენდის" დამარცხების შემდეგ "ოლდ ტრაფორდის" დაცვის ერთ-ერთი თანამშრომელი მოინახულა.

როცა ვან გაალს ჰკითხეს, ამაყობდა თუ არა მიღწევით, რომელიც "მანჩესტერ სიტის" გადასწრებასა და პირველი ადგილის დაკავებას ნიშნავდა, ლუიმ უპასუხა: "რა თქმა უნდა, რა თქმა უნდა.

დაცვის ბიჭს ვუთხარი: "ახლა იმ კლუბის დაცვის ბიჭი ხარ, რომელიც პრემიერ ლიგის სათავეშია", ეს კი დიდი სხვაობაა.

მისთვისაც. ისიც ამაყია, მეც ამაყი ვარ.

გასულ კვირას პირველად მოხდა, რომ მეორე ადგილზე ვიყავი, ის იღიმოდა".

მიუხედავად "იუნაიტედის" წარმატებისა, ვან გაალი არ აპირებს მოვლენები ამჟამინდელი პოზიციიდან განსაჯოს.

"დანამდვილებით ვიცი, სად ვდგავარ. მანამდეც ვთქვი და ექვსი კვირით ადრეც, პასუხი იგივეა. კარგი გუნდი გვყავს, მაგრამ შეიძლება წავაგოთ, შეიძლება მოვიგოთ.

გასულ სეზონში მკითხეთ: "ინგლისში გაწვრთნით"? გიპასუხეთ, რომ დრო მჭირდებოდა და ახლაც იგივეს გპასუხობთ".

წყარო: M.E.N.