28-09-2015, 13:06

ავტორი: Jubo,

ნანახია: 2204,

კომენტარები: 9

სეზონის ყველაზე უცნაური დასაწყისი ნევილისთვის

ნევილი მიმდინარე სეზონის სტარტზე საუბრობს.

"მანჩესტერ იუნაიტედის" ყოფილმა მცველმა, გარი ნევილმა პრემიერ ლიგის მიმდინარე სეზონის სტარტს მის მიერ ნანახთა შორის ერთ-ერთი ყველაზე უცნაური უწოდა.

ჩატარებული შვიდი ტურის შემდეგ ლიდერობა "მანჩესტერ იუნაიტედმა" დაისაკუთრა, თუმცა აქამდე "მანჩესტერ სიტი" გაშვებული ბურთების გარეშე იგებდა საწყისი 5 ტურის განმავლობაში.

ხოლო მოქმედი ჩემპიონი, ლონდონის "ჩელსი" მე-15 პოზიციაზე იმყოფება და მხოლოდ ორი გამარჯვება აქვს. ეს ყველაფერი ნევილს ზედმეტად უცნაურად და ამავდროულად საინტერესოდ მიაჩნია.

"ეს ყველაზე უცნაური სეზონის სტარტია, რაც კი მახსოვს. დღეისთვის ცხრილის მიხედვით არც ერთი გუნდი არ უნდა იყოს მშვიდად, ზღვა ჯერ კიდევ ღელავს. მიმდინარე სეზონი შეიძლება გამორჩეული გამოდგეს პრემიერ ლიგის არსებობის მანძილზე. "მანჩესტერ სიტი" უბრალოდ ფანტასტიკურად გამოიყურებოდა პირველი ოთხი-ხუთი მატჩის განმავლობაში, მაგრამ არ ვიცი შემდეგ რა დაემართათ. კლუბი, რომელსაც ვგულშემატკივრობ, ცხრილის სათავეშია, მაგრამ ეს რომ ჩემთვის ან "იუნაიტედის" ნებისმიერი ფანისთვის გეთქვათ, გიპასუხებდით, რომ ეს არ მოხდებოდა, რანაირად უნდა მომხდარიყო? ყველა ყველას ამარცხებს და დღეს "მანჩესტერ იუნაიტედია" ლიდერი.
"ჩელსის" გასულ სეზონში გამორჩეული სეზონი ჰქონდა და ვერავინ წარმოიდგენდა, რომ ისინი ასეთ ცუდ სტარტს აიღებდნენ. "კრისტალ პალასიც" მშვენიერ მატჩებს ატარებს, ვფიქრობ წლის ბოლოს ისინი ცხრილის პირველ ნახევარში აუცილებლად მოხვდებიან." - დაასრულა ნევილმა.

წყარო: skysports.com

ინტერვიუები

9 კომენტარი

№1

ავტორი: RojoDiablo

28 სექტემბერი 2015 13:08

სიახლეები: 7071
კომენტარები: 8687

საწყისი ხუთი ტურის მოგებაში არაფერი გამაკვირვებდა ისე, როგორც ჩელსის დამარცხება ისეთი ანგარიშით, მაგრამ ჩემპიონთა ლიგის დაწყებასთან ერთად ველოდი მერე ჩაფლავებას, მაგრამ არა ვესტ ჰემთან.

ყველაზე გასაკვირი მაინც ჩელსის მდგომარეობაა და ის ანგარიშები და გუნდები, ვისაც ვერ მოუგო.

თუნდაც ის რად ღირს მარტო, რომ ბილიჩმა არსენალი, ლივერპული და სიტი გასვლაზე დაამარცხა.

სეზონი კარგი გამოდის და იმედი მაქვს, უფრო კონკურენტუნარიანი ვიდრე ოდესმე.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№2

ავტორი: AkkRed

28 სექტემბერი 2015 13:27

სიახლეები: 74
კომენტარები: 4669

ყოველთვისაც ასე იყო, დიდ განსხვავებას ვერ ვხედავ. ნელ-ნელა ყველა თავის ადგილს დაუბრუნდება.

№3

ავტორი: GeorgeBest

28 სექტემბერი 2015 13:38

სიახლეები: 1729
კომენტარები: 12134

დავწინაურდით მარა ცუდი კალენდარია, ლიგა, მერე არსენალი და მერე სიტი მოდის. ეხლა უნდა დაამტკიცონ რა შეუძლიათ, ძლიერი მეტოქე ჯერ არ გვყოლია, ლივერპულს არ ვთვლი მაგ სიაში. ეხლა გამოჩნდება რა შეუძლიათ

№4

ავტორი: ვახო ( G G M U)

28 სექტემბერი 2015 13:43

სიახლეები: 0
კომენტარები: 4327

უცნაური დასაწყისი ნამდვილად არის. სიტიმ ისე დაიწყო რო მეთქი ამათ ვერავინ გააჩერებსთქო, მაგრამ იუვემ, ვესტ ჰემმა და ტოტენჰემმა რაც დამართეს მივხვდი რომ ეს გუნდია დაუმარცხებელი ნამდვილად არაა. ნუ ჩელსი ცალკე თემაა, ეგენი მე მგონი მომავალ წელს ჩემპიონშიპში გადავლენ lol

ჩვენც ვერ ვბრწყინავთ რა თქმა უნდა, მაგრამ ფაქტია ლიდერებიდან ყველაზე კარგად ჩვენ ვთამაშობთ

№5

ავტორი: Count Alucard

28 სექტემბერი 2015 15:15

სიახლეები: 28
კომენტარები: 1979

ვახო ( G G M U),
ამოქაჩავს ჩელსი, მაგრამ მაქსიმუმ ოთხეულს მიაღწიონ წელს, აესეთი სტარტით, თან ჩვენთან კიდე სათამაშო აქვთ, ბევრს ვერ მიაღწევენ. მეეჭვება 20 თამაში ზედოზედ მოიგონ ახლა და პირველისთვის იბრძოლონ. შეიძლება აღარ წააგონ ბევრი, მაქსიმუმ 2-3 თამაში, მაგრამ ფრეები ექნებათ გაცილებით მეტი.

№6

ავტორი: GGMU1

28 სექტემბერი 2015 16:19

სიახლეები: 0
კომენტარები: 32

General,
სიტიმდე ევერტონს ვეთამაშებით მგონი.

_ _ _ _ _ _ _ _ _ _ _ _ _ _ _ _ _ _ _ _ ,,We -Will Never Die''

№7

ავტორი: Jorbe-Jorbe

28 სექტემბერი 2015 16:20

სიახლეები: 8
კომენტარები: 1279

Count Alucard,
გეთანხმები. წელს ჩელსის მაქსიმუმი ალბათ ოთხეული იქნება.
პრემიერლიგას კი მანჩესტერელებიდან ერთ-ერთი მოიგებს.

№8

ავტორი: GeorgeBest

28 სექტემბერი 2015 17:16

სიახლეები: 1729
კომენტარები: 12134

GGMU1,
ევერტონი არ ჩავთვალე ძლიერ მეტოქედ თორე ცსკაც გვიწევს winked

№9

ავტორი: Wardell

29 სექტემბერი 2015 01:15

სიახლეები: 427
კომენტარები: 1582

ყველაზე ცუდ მომენტში გვაქ საზიზღარი კალენდარი, პსვ-სთან წაგება ეხლა გამოიჩენს თავს, რო მოგვეგო ვოლსბურგთან მოგების შემთხვევაში ცსკა-სთან ფრისთვის ჩავდოდით და გადავახალისებდით ცოტა შემადგენლობას, მარა ეხლა უკვე მოსკოვშიც მოსაგებად უნდა ჩავიდეთ, ძნელი იქნება ამდენი ფრენა თან რუსეთში დაიწყება სიცივეები, მოკლედ სიტისთან კაი დაღლილ დაქანცულებს მოგვიწევს თამაში, მაგრამ არც იმათ აქვთ საქმე მთლად მარტივად სევილიასთან უწევთ სახლში თამაში, ყველაზე დიდი პლიუსი ის აქვთ რომ დაახლოებით 2 კვირის მანძილზე მანჩესტერიდან გამგზავრება არ უწევთ და ძალების აღდგენა გაცილებით იოლი იქნება.