27-09-2015, 09:15

ავტორი: RojoDiablo,

ნანახია: 1610,

კომენტარები: 9

რუნი: "მემფისის გოლი გადამწყვეტი იყო"

უეინ რუნი მატჩის შემდგომ.

"მანჩესტერ იუნაიტედის" კაპიტანს მიაჩნია, რომ მემფის დეპაის პირველი გოლი პრემიერ ლიგაში "სანდერლენდის" დამარცხების მთავარი მიზეზი გახდა.

რუნიმ "შავი კატების" წინააღმდეგ გატანილი გოლით მიმდინარე სეზონში თავისი გოლების ანგარიში გახსნა, შეხვედრაში კი უპირატესობა ორამდე გაზარდა, რასაც მატჩის მიწურულს მატას გოლი დაერთო.

თუმცა ინგლისელი აღნიშნავს, რომ "იუნაიტედს" პირველ ტაიმში გაუჭირდა: "რთული იყო. ეს ვიცოდით გასული სეზონიდან და მიმდინარე სეზონში "ნიუკასლთან" თამაშიდან. მათ გაართულეს, სულ ბურთის უკან იდგნენ და თავს სიცოცხლის ფასად იცავდნენ. ლიგაში დარჩენას ცდილობენ.

მემფისის გოლი შესვენებამდე უმნიშვნელოვანესი იყო ჩვენთვის. რომ არ გაგვეტანა, "სანდერლენდი" ისევ იბრძოლებდა და თავს დაიცავდა. ამან მეორე ტაიმში შედარებით მეტი სივრცე გაგვიჩინა, უკეთესად ვითამაშეთ და უფრო მეტი მომენტი შევქმენით. საბოლოოდ კომფორტული და კარგი გამარჯვება მოვიპოვეთ".

რუნიმ მეორე ტაიმის დასაწყისში ენტონი მარსიალის მიერ მიწოდებული ბურთი კარში გადაგზავნა და მიმდინარე სეზონში თავისი პირველი გოლი გაიტანა: "არ ვღელავდი. "იუნაიტედში" წელს ოთხი გოლი გავიტანე, ინგლისის ნაკრებშიც გამოვიჩინე თავი, ასე რომ, ეს უბრალოდ ლიგაში გატანაზე იყო. იმედია, ახლა ყველა ჩემს ფეხბურთზე იქნება კონცენტრირებული და ამით ვისიამოვნებ".

კაპიტანმა "იუნაიტედის" ახალწვეულიც შეაქო მისი ბრწყინვალე დასაწყისის გამო: "მარსიალი გასაოცარია. ახალგაზრდაა, ეს უნდა გვახსოვდეს. ვფიქრობ, ამ სეზონში და მომავალში ჩვენი გუნდისთვის დიდი ფეხბურთელი იქნება, მაგრამ საშუალება უნდა მივცეთ საკუთარი ფეხბურთით ისიამოვნოს და დარწმუნებული ვარ, მაგიური მომენტები გვექნება".

რუნი ასევე ამტკიცებს, რომ თამაშისგან "იუნაიტედის" სხვა ფეხბურთელებიც იღებენ სიამოვნებას: "ვიცით, ჩვენთვის მნიშვნელოვანი სეზონია, რადგან ევროპაში დავბრუნდით და "ნიუკასლთან" ნაჩვენები შედეგის შემდეგ კიდევ უფრო მნიშვნელოვანი გახდა.

თუმცა "ნიუკასლსა" და "სუონსისთან" მატჩებს თავი დავაღწიეთ და ახლა კარგ ფეხბურთს ვთამაშობთ და მომენტებს ვქმნით. თანაგუნდელების სახეზე ღიმილს შენიშნავთ, ასე რომ, სიამოვნებას ვიღებთ. იმედი მაქვს, ასეთ ფორმაში ვიქნებით და ქულების აღებას გავაგრძელებთ".

ლუი ვან გაალის ხელმძღვანელობის ქვეშ "იუნაიტედი" პირველად იმყოფება ცხრილის სათავეში, რაზეც რუნიმ განაცხადა: "სწორედ ამისთვის ვთამაშობთ - სეზონის დასასრულს პირველ ადგილზე ყოფნა, ამიტომ სასიხარულოა ახლა იქ რომ ვართ. მაგრამ წინ ჯერ კიდევ დიდი გზაა, ადრეა ამაზე ფიქრი, ამიტომ შრომა უნდა გავაგრძელოთ, რათა დარწმუნებულნი ვიყოთ, რომ პირველი ადგილის შენარჩუნებას შევძლებთ ან სეზონის ბოლოს იქ ვიქნებით".

წყარო: manutd.com

ინტერვიუები

9 კომენტარი

№1

ავტორი: RojoDiablo

27 სექტემბერი 2015 09:21

სიახლეები: 7071
კომენტარები: 8687

ტაიმის ბოლოს ვისაც გინდა იმას გაუტანე, ფსიქოლოგიურ დარტყმას ნებისმიერ შემთხვევაში ახდენ, მაგრამ გუნდებზე, რომლებიც თამაშს კეტავენ, უფრო მეტად იძენ უპირატესობას. მემფისის გოლი იმდენად არაფერია, რამდენადაც ბლინდის პასი ზედიზედ მეორე თამაშში.

თასზე რუნის მიაწოდა, ახლა მატას.

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№2

ავტორი: Mufc7

27 სექტემბერი 2015 10:44

სიახლეები: 31
კომენტარები: 3018

დაიწყო როგორც იქნა აქაც გატანა love

იმ ბევრი გოლის დასაწყისია ეს, რომელსაც კიდე გაიტანს feel

_ _ _ _ _ _ _ _ _ _ _ _ _ _ _ _ _ _ _ _ Money can't make history, history makes only legend, legend is only love. Love is MANCHESTER UNITED!

№3

ავტორი: AkkRed

27 სექტემბერი 2015 10:57

სიახლეები: 74
კომენტარები: 4669

RojoDiablo,

გიო გადახედე რაღაცეები ნარევად გიწერია.

თუ ესეთ გუნდებთან ქულები არ დავკარგეთ და როგორც წინა სეზონში გრანდებს ვეთამაშებოდით ისე ვეთამაშოთ ამ სეზონში მაშინ დიდი შანსია რომ მართლაც მოვიგოთ ჩემპიონატი, მაგრამ ამის ძალიან მეეჭვება. იმიტომ რომ ჯერ ხო 2 ჯერ მეტი თამაში მოგვემატა ვიდრე გასულ სეზონში იყო როტაციისთვის არასრულფასოვანი გუნდი გყვავს და + ამას ვან გაალს უყვარს საოცრებები.

№4

ავტორი: RojoDiablo

27 სექტემბერი 2015 11:10

სიახლეები: 7071
კომენტარები: 8687

AkkRed,
რა წერია ნახევრად, დამიკოპირე აბა, მე ვერაფერი ვიპოვე

_ _ _ _ _ _ _ _ _ _ _ _ _ _ _ _ _ _ _ _

If You Can't Support Us When We Lose, Don't Support Us When We Win

№5

ავტორი: Lee Sharpe

27 სექტემბერი 2015 11:13

სიახლეები: 0
კომენტარები: 561

გამეხარდა დეპაის გოლი მაგრამ ეგოისტურად მოიქცა მერე უნდა გაეტანინებინა მარტიალისთვის fellow

№6

ავტორი: Jorbe-Jorbe

27 სექტემბერი 2015 12:18

სიახლეები: 8
კომენტარები: 1279

მე კი მგონია რომ მეორე ტაიმის დასაწყისში რუნის გოლმა საბოლოოდ გადატეხა სანდერლენდი

№7

ავტორი: chudikone

27 სექტემბერი 2015 12:19

სიახლეები: 385
კომენტარები: 3206

მარსიალის გოლი მინდოდა ძაან :(

_ _ _ _ _ _ _ _ _ _ _ _ _ _ _ _ _ _ _ _

I saw my mate The other day, He said to me I’ve seen the white Pele
So I asked who is he, He goes by the name of Wayne Rooney.
Wayne Rooney
Wayne Rooney
He goes by the name of
Wayne Rooney!

№8

ავტორი: ვახო ( G G M U)

27 სექტემბერი 2015 12:53

სიახლეები: 0
კომენტარები: 4327

ხოო ტაიმის ბოლოს გატანილი გოლი მართლა მნიშვნელოვანი იყო, წინააღმდეგ შემთხვევაში უფრო გაგვიძნელდებოდა გატანა. კარგია რომ რუნიმაც და მემფისმაც გაიტანეს, რადგან ორივეს მშრალი სერია ქონდათ და ამის მერე იმედია ბევრ გოლს გაიტანენ winked

№9

ავტორი: GeorgeBest

27 სექტემბერი 2015 18:46

სიახლეები: 1729
კომენტარები: 12134

დეპაის უკეთესი ვარიანტი ჰქონდა და უნდა მიეცა მარსიალისთვის, უკეთესი იქნებოდა, მაგრამ არაუშავრს, თავის თავზე აიღო თამაში და ვერ შეაგდო რა. წინაზე დეპაიმ გამოიმუშავა გლი მარა მარსიალმა შეაგდო, რო გაემაზა ისიც ღორად უნდა ჩათვლილიყო?