ლუი ვან გაალი მოკლედ ესაუბრა ჟურნალისტებს მატჩის შემდეგ, რომელმაც მისი ხელმძღვანელობის ქვეშ პირველად გადაიყვანა "მანჩესტერ იუნაიტედი" პრემიერ ლიგის ცხრილის პირველ ადგილზე.

ლიგის სათავეში

"მგონი, გასულ წელს ამ ეტაპზე მე-13 ადგილზე ვიყავით, ასე რომ, ბედნიერი მწვრთნელი ვარ".

გოლების გატანა კარგ დროს

"დიახ, მაგრამ უნდა ვთქვა, მოწინააღმდეგეც ფლანგავდა ბევრ დროს და არც მსაჯი ახდენდა ამაზე რეაგირებას, ასე რომ, ეს მათ თავად დასაჯეს საკუთარი თავი".

მემფისის და რუნის პირველი გოლები 2015/16 წლების სეზონში

"მათ გამო მოხარული ვარ, მაგრამ ჩემთვის ეს არავითარი სხვაობა არ არის, რადგან ჩემთვის გუნდურად გოლების გატანაა მნიშვნელოვანი. ვინ იტანს მას, ასეთი მნიშვნელოვანი არ არის. შენ უნდა დაამარცხო მოწინააღმდეგე და როცა ერთით მეტი გოლი გაგაქვს, ვიდრე მოწინააღმდეგეს, შენ იმარჯვებ. აი, ეს არის თამაში".

მარსიალმა ვერ გაიტანა, მაგრამ რუნის გაატანინა

"ენტონის გამო ძალიან გახარებული ვარ, რადგან ის არა მარტო გოლის გამტანია, არამედ შემტევიც და ისიც ატანინებს გოლებს. ასე რომ, ჩვენთვის ის უფრო მნიშვნელოვანია, ვიდრე მე მეგონა, როცა მოვიდა".

ანგარიშმა დომინირება გამოსახა

"დიახ, ასე ვფიქრობ. ფანების გამოც ბედნიერი ვიყავი. მეორე ტაიმში თამაშს უფრო ვაკონტროლებდით, ვიდრე ვუტევდით. იმედი მაქვს, გულშემატკივარს ესმის ამის მიზეზი. მაგრამ მესამე გოლმა გამახარა, რადგან ეს თამაშის დაგვირგვინება იყო".

სამი გოლი ზედიზედ სამ თამაშში - რა შეიცვალა გასული სეზონის შემდეგ?

"ცოტა გამართლებაცაა, მაგრამ უფრო შერწმული ვართ ბურთთან და უფრო კარგ გადაწყვეტილებებს ვიღებთ მესამე და მეოთხე ფაზებში. მაგრამ იღბალიც გჭირდება და შერწყმაც შესაფერის დროს, როგორც მოთამაშეს. მემფისმა ფანტასტიკური გოლი გაიტანა, მაგრამ უდიდესი შანსი მისი მეორე შანსი იყო, თუმცა მაშინ არ იყო შერწყმული".

რთული მატჩები წინ

"დიახ, არა მარტო ჩემპიონთა ლიგის მატჩები, არამედ პრემიერ ლიგაში ჩვენი პოზიციის შენარჩუნებაც, რადგან გასვლაზე "არსენალს" უნდა ვეთამაშოთ. ეს ყველაზე რთული მატჩია, მაგრამ შარშან იქ გავიმარჯვეთ, ამიტომ იმედი გვაქვს".

წყარო: manutd.com