ლუი ვან გაალმა დაადასტურა, რომ "სანდერლენდთან" მატჩში მარკოს როხო, პედი მაკნეირი და ლუკ შოუ ვერ ითამაშებენ.

როხომ და მაკნეირმა ინგლისის ლიგის თასის მატჩიც გამოტოვეს, ახლა კი დიკ ადვოკატის გუნდის წინააღმდეგ ჩასატარებელ შეხვედრაში ვერ მიიღებენ მონაწილეობას.

"სამი ტრავმირებული გვყავს - როხო, მაკნეირი და შოუ. იგივე მდგომარეობაა და უნდა მოვიცადოთ, რათა ვნახოთ, როგორ წავა გამოჯანმრთელების პროცესი, რადგან ორ მატჩს შორის სხვაობა ორი დღეა. ჯერ არ ვიცი როგორ შემადგენლობას გამოვიყვან".

რაც შეეხება შოუს, წინასწარი ცნობით, იგი 6 თვეს გამოტოვებს, ვან გაალმა კი განაცხადა, რომ 20 წლის მცველი კარგ სულიერ მდგომარეობაში იმყოფება.

"ძალიან პოზიტიურია, რაც მაოცებს. ძალიან კარგი ნიშანია. გამოჯანმრთელების პროცესი დავიწყეთ. სახლში ეწვევიან, რათა პირველი ელექტრო კუნთური სტინულანტები გაიკეთოს". - განაცხადა "იუნაიტედის" მთავარმა მწვრთნელმა.

წყარო: M.E.N.