მარუან ფელაინის მიაჩნია, რომ მოთამაშეებს მობოდიშების უფლება აღარ ექნებათ, თუ წელს კლუბი ტიტულს ვერ მოიგებს.

"წითელი ეშმაკები" პრემიერ ლიგის სატურნირო ცხრილში ამჟამად მეორე ადგილზე იმყოფებიან და ინგლისის ლიგის თასის გათამაშებაში მეოთხე რაუნდში გავიდნენ.

სატრანსფერო ფანჯარაზე ნახევარმცველების შეძენამ და კონკურენციის გაზრდამ მარუანის სათადარიგოთა სკამზე გადაყვანა გამოიწვია, მაგრამ შარშანდელ სეზონში მან დიდი როლი ითამაშა ჩემპიონთა ლიგაზე "იუნაიტედის" დაბრუნებაში.

2013 წელს "ევერტონიდან" "ოლდ ტრაფორდზე" გადაბარგების შემდეგ ფელაინი ტიტულის მოპოვების მოლოდინშია.

"რამე უნდა მოვიგოთ, რადგან "მანჩესტერ იუნაიტედი" ვართ. ეს დიდი კლუბია. აუცილებლად უნდა მოვიგოთ".



მაგრამ, გარდა ტიტულების მოგებისა, ფელაინის სურს, რომ "იუნაიტედის" გულშემატკივარმა ის პოზიტიურად დაიმახსოვროს.

"მინდა თქვან: "ფელაინი კარგია ადამიანია".

ბელგიელი ნახევარმცველი ლუი ვან გაალის ხელმძღვანელობით კმაყოფილია და მასთან ერთად მუშაობით სიამოვნებას იღებს, თუნდაც ამის გაკეთება მისთვის შეუფერებელ პოზიციაზე უხდებოდეს.



"ბევრს ვიცინით, ეს ნორმალურია, ჩვენ ხომ ადამიანები ვართ. მაგრამ მოედანზე სერიოზულად ვართ.

როცა მწვრთნელი მთხოვს სადმე ვითამაშო, იქ ვთამაშობ, მაგრამ ჩემი საუკეთესო პოზიცია ნახევარდაცვაა".

წყარო: M.E.N.