ლუი ვან გაალი "იფსვიჩ თაუნთან" მოპოვებული გამარჯვების შემდეგ "იუნაიტედის" ოფიციალურ ტელეარხსა და ჟურნალისტებს ესაუბრა.

ბედნიერი მწვრთნელი

"შედეგი დიდებული იყო. ტრავმები არ გვაქვს. შევიყვანე მოთამაშეები, მათი როტაცია მოვახდინე. ფილ ჯონსმა ბევრი წუთი ითამაშა, ასე რომ, ბედნიერი მწვრთნელი ვარ".

პროგრესი მნიშვნელოვანია

"გასულ წელს "მილტონ კეინს დონსის" წინააღმდეგ გასვლაზე მატჩის შემდეგ გავვარდით. იმ დროს მრავალი ტრავმირებული გვყავდა და ჩემი მეორე გუნდით ვითამაშე. გავვარდით და გულშემატკივარი უსიამოვნო დარჩა. ვფიქრობდი, რომ სხვაგვარად უნდა მოვქცეულიყავი. სახლში ვთამაშობდით, ამიტომ ქომაგისთვის, ჩვენი ქომაგისთვის სასიამოვნოდ უნდა გაგვეკეთებინა ყველაფერი. ამაში წარმატებას მივაღწიეთ და ჩემთვის ყველაზე სასიხარულოა. ტრავმები არ გვაქვს, მოვიგეთ და მომდევნო რაუნდში ვართ".

დიდებული გოლები

"პირველი გოლი ყველაზე მეტად მომეწონა, რადგან დეილი ბლინდმა ფანტასტიკური პასი მისცა, ხოლო უეინ რუნიმ ფანტასტიკურად შეასრულა, რადგან ეს ადვილი არ იყო. ჯარიმა მშვენიერი იყო, მაგრამ ვიცით, ეს პერეირას ნიჭია, სწორედ ამიტომ შეუძლია დაარტყას ჯარიმები. რა თქმა უნდა, შემდეგი იყო ენტონის გოლი. ბოლო 15 წუთში სივრცეები სულ უფრო და უფრო დიდი იყო, ამიტომ გაუადვილდა".

პერეირას თამაში

"ხელახლა უნდა შევაფასოთ. მატჩში დიდი წვლილი მიუძღვის, რადგან ჯარიმებს ფანტასტიკურად ასრულებს. ამაზე ვარჯიშობდა. სხვა ფეხბურთელების მსგავსად, პერეირასაც აქვს რაღაც გასაუმჯობესებელი".

მოკრძალებული მარსიალი

"რთული არ არის, რადგან ის ძალიან მოკრძალებული ფეხბურთელია. იცის, რომ გატანა შეუძლია და ეს თანმხლები მოთამაშეების დამსახურებაცაა. მისთვის ორჯერ გავაადვილეთ ამის გაკეთება, რადგან ვიგებდით და ამ დროს სივრცეები იზრდება. მისი სისწრაფისა და სიმშვიდის წყალობით, გატანა შეუძლია. ასე გააკეთა "ლივერპულის" წინააღმდეგ და ახლაც. ბედნიერები ვართ, მაგრამ მეცხრე ცაზე არ უნდა ავფრინდეთ".

ჯონსის დაბრუნება

"ფილს წინასწარ ვკითხე, თუ რამდენი წუთის თამაში შეეძლო მისი აზრით. 20, 30... უფრო მეტი ეგონა! ადვილი არ არის ამის გაკეთება, მაგრამ მატჩის შემდეგ ვკითხე, გრძნობდა თუ არა თავს კარგად და მითხრა, რომ გრძნობდა. ადვილად შეეძლო მეტი დროის განმავლობაში თამაში, ასე რომ, ეს კარგის ნიშანია".

"ბორო" მეოთხე რაუნდში

"ჩემპიონშიპის ტოპ-კლუბია. მათ შესახებ ბევრი რამ არ ვიცი. სკაუტი მოახდენს მოწინააღმდეგის ანალიზს, როგორც ეს "იფსვიჩის" შემთხვევაში გააკეთა. ერთ-ერთი ტოპ-კლუბია, ამიტომ ადვილი არ არის. შედეგით ძალიან ბედნიერი ვარ. მიხარია, რომ სახლში ვითამაშებთ. ბევრს ვმოგზაურობთ, ასე რომ, კარგია სახლში დარჩენა."

წყარო: manutd.com