ლუი ვან გაალი აღნიშნავს, რომ მისი გონება მთლიანად "იპსვიჩ თაუნთან" დაპირისპირებისკენაა მიპყრობილი, რადგან სურს "უემბლის" მიუახლოვდეს.
გასვლაზე "საუთჰემპტონის" დამარცხების შემდეგ "წითელი ეშმაკები" პრემიერ ლიგაში მეორე ადგილს იკავებენ და წარმატების მიღწევას ეცდებიან სათასო მატჩში, რათა ამჯერად შარშანდელისგან განსხვავებით პირველივე მატჩში ტურნირზე ასპარეზობის უფლება არ დაკარგონ.
მატჩის წინა პრეს-კონფერენციაზე ვან გაალმა განაცხადა: "გასულ წელს მეორე რაუნდიდანვე გამოვვარდით. წელს მესამე რაუნდში ვართ, ასე რომ, უკვე გავცდით შარშანდელ შედეგს, მაგრამ ვფიქრობ, ყველა თასისთვის უნდა იბრძოლო, რის გაკეთებასაც ვაპირებთ.
იმედი გვაქვს, ლიგის თასზე დიდხანს ვითამაშებთ. სწორედ ამიტომ მჭირდება დასვენებული გუნდი და ვიმედოვნებ, "იპსვიჩ თაუნს" დავამარცხებთ. მათი თამაში ვნახე, ამ გუნდის ანალიზი მოვახდინეთ, მათ ძალიან კარგი ფეხბურთელები ჰყავთ და გუნდურად თამაშობენ. ვფიქრობ, პირდაპირ თავდამსხმელებზე იქნება აგებული მათი თამაში და ეს დაცვისთვის ყოველთვის რთულია. გასულ წელს "პრესტონ ნორტ ენდი" და "კემბრიჯ თაუნიც" ასე აკეთებდნენ, მაგრამ მათი დამარცხება შევძელით".
როცა უთხრეს, რომ მიკ მაკკარტიმ აღნიშნა, რომ მისი ყურადღება ჩემპიონშიპის მატჩისკენაა მიპყრობილი, რომელსაც "იპსვიჩი" "ბრისტოლ სიტის" წინააღმდეგ გამართავს, ვან გაალმა იგივე ვარიანტი მის შემთხვევაში გამორიცხა.
"არა, მე ასე არ ვარ. ყოველი თამაშის მოგება მსურს და "სანდერლენდთან" შეხვედრა ამის შემდეგ მოდის. ახლა მხოლოდ იმ მატჩი ვფიქრობ, რომელიც სათამაშებელი გვაქვს და ფეხბურთელებსაც იგივე ვთხოვე, რადგან "იპსვიჩის" დამარცხება გვინდა".