გუშინ სერ ალექს ფერგიუსონმა თავისი ახალი წიგნი წარადგინა, სახელწოდებით "ლიდერობა", რომელშიც რამდენიმე საინტერესო ისტორიის შესახებ მოგვითხრო.

შეგახსენებთ, ეს უკვე მეორე წიგნია, რომელიც სერ ალექსმა პენსიაში გასვლის ორი წლის განმავლობაში გამოსცა - როგორც ავტობიოგრაფია, ეს წიგნიც ბესტსელერად იქცევა. ფერგიუსონის რამდენიმე გამხელილი ამბავი გულშემატკივარს აუცილებლად დააინტერესებს.

სერ ალექსი თავის წიგნში შემდეგ თემებზე ისაუბრებს:

1) პოლ პოგბას გადასვლა "იუვენტუსში"

2012 წელს პოლ პოგბა, რომელიც ერთ-ერთ ამომავალ ვარსკვლავად ითვლებოდა, "იუვენტუსში" თავისუფალი აგენტის სტატუსით გადავიდა. სერ ალექსს არ სურდა პოლის გაშვება და თვლის, რომ ფეხბურთელს გონება მისმა აგენტმა, მინო რაიოლამ აურია.

2) უეინ რუნის ხელფასი

2010 წლის ოქტომბერში უეინ რუნიმ "წითელ ეშმაკებთან" ახალი კონტრაქტი გააფორმა, რომლის მიხედვით კვირაში 180 ათას ფუნტს იღებდა ხელფასის სახით. ეს მალე მოხდა იმ დღიდან, როცა რუნიმ ტრანსფერზე დაყენება ითხოვა. სინამდვილეში, "იუნაიტედი" მზად იყო რუნისთვის მეტიც კი გადაეხადა, მაგრამ ფერგიუსონი ჩაერთო საქმეში.

3) "იუნაიტედში" მარიო ბალოტელის არ შეძენა

იმავე 2010 წელს ფერგიუსონმა მარიო ბალოტელის მოწვევა ისურვა, მაგრამ საბოლოოდ არ გარისკა და იტალიელი "მანჩესტერ სიტიში" გადავიდა.

4) თავის მემკვიდრედ გვარდიოლას ხილვის სურვილი

როცა 2013 წელს ფერგიუსონმა პოსტი დატოვა, "იუნაიტედი" დევიდ მოიესმა ჩაიბარა. მაგრამ ფერგიუსონის პირველი არჩევანი ხოსეპ გვარდიოლა იყო, რომელსაც 2012 წელს ნიუ-იორკის რესტორანში შეხვდა.

5) დევიდ მოიესის წარუმატებლობა

2013 წელს, როცა ფერგიუსონი წავიდა, "იუნაიტედმა" მისი რეკომენდაციით დევიდ მოიესი მოიწვია, რომელიც ერთ წელსაც კი ვერ გაჩერდა. ამას სერ ალექსი იმით ხსნის, რომ ძველ სამწვრთნელო შტაბზე უარი თქვა და ისინი ახლებით ჩაანაცვლა.

6) მწვრთნელი გიგზის პერსპექტივა

ლუი ვან გაალის მემკვიდრედ რაიან გიგზი მოიაზრება. ფერგიუსონს სჯერა, რომ მის ყოფილ შეგირდს დიდი მომავალი აქვს.

7) მსოფლიო დონის ფეხბურთელები

ფერგიუსონი თავის წიგნში აღნიშნავს, რომ 26 წლიანი სამსახურის განმავლობაში მან მხოლოდ 4 მსოფლიო დონის მოთამაშე გაწვრთნა.