"მანჩესტერ იუნაიტედის" ყოფილი მწვრთვნელი, ლეგენდარული სერ ალექს ფერგიუსონი გამოტყდა, რომ ის უეჭველად გააგრძელებდა სამწვრთვნელო მოღვაწეობას, რომ არა ოჯახური ტრაგედია. 2013 წელს შოტლანდელმა სპეციალისტმა მთელი მსოფლიო შოკში ჩააგდო, როდესაც პენსიაში გასვლის შესახებ განაცხადა 8 მაისს.

მას შემდეგ 2 წელი გავიდა და სერ ალექსმა ახლაღა გადაწყვიტა გაემხილა მიზეზი ფართო აუდიტორიისთვის. ეს ყველაფერი გამოწვეული იყო იმით, რომ მას ცოლის და დაეღუპა და ოჯახისთვის მეტი დროის დათმობა გახდა საჭირო. ბრიჯიტი, სერ ალექსის ცოლის, კეთის ტყუპისცალი 2012 წლის ოქტომბერში დაიღუპა და ფერგიმ გაანალიზა, რომ მის ცოლს უფრო მეტი თანადგომა სჭირდებოდა.

"მე აუცილებლად განვაგრძობდი კარიერას." აცხადებს ფერგიუსონი "ტელეგრაფთან" ინტერვიუში. "ერთხელ დავინახე, როგორ უყურებდა ქეთი ტელევიზორს და თან ამ დროს ჭერს მიშტერებოდა. მაშინ მივხვდი, რომ იგი ძალიან დიდ ტკივილს განიცდიდა, ბრიჯიტი ხომ მისი ტყუპისცალი იყო."

სწორედ ქეთიმ გადააფიქრებინა სერ ალექს კარიერის დასრულება 2002 წელს. "ახლა კი,როდესაც მას ჩემი გადაწყვეტილების შესახებ ვაცნობე, იგი სულაც არ იყო წინააღმდეგი. ვიცოდი, რომ ეს მასაც სურდა." განაცხადა სერ ალექს ფერგიუსონმა.

წყარო: MEN