უეინ რუნის გამოჯანმრთელებამ "სენტ მერიზე" გასამართ მატჩში შესაძლოა, "იუნაიტედის" ბოლო შენაძენის, ახალგაზრდა ენტონი მარსიალის შემადგენლობიდან ამოვარდნა გამოიწვიოს.

"ლივერპულთან" გამართულ შეხვედრაში ფრანგმა ფეხბურთელმა მეორე ტაიმში შეცვლაზე შესვლის შემდეგ მოახერხა თავის გამოჩენა და კლუბის შემადგენლობაში ჩატარებულ სადებიუტო შეხვედრაში "იუნაიტედმა" მისი გოლის წყალობით 3-1 იმარჯვა.

მარსიალმა ძირითადში დაიწყო შეხვედრა ჩემპიონთა ლიგის პირველ მატჩში პსვ-ს წინააღმდეგ, თუმცა თამაშზე დიდი გავლენა ვერ იქონია.

მიუხედავად იმისა, რომ ენტონის ტრანსფერი სამომავლო გეგმებისთვის არის გათვალისწინებული, ლუი ვან გაალი 19 წლის ფეხბურთელს ახლო მომავალშიც დაეყრდნობა.

"როცა ვამბობ, რომ ენტონი მარსიალი მომავლის ფეხბურთელია, ეს განპირობებულია იმით, რომ 19 წლის ფეხბურთელი ჯერ არ არის სრულად განვითარებული.

ეს სულაც არ ნიშნავს, რომ ახლო მომავალში მასზე არ ვამყარებ იმედებს.

უბრალოდ, ყოველკვირას უნდა განვსაჯო გამოვიყენო თუ არა. ეს დამოკიდებულია შესაძლებლობაზე, რომელიც მაქვს", - განაცხადა ვან გაალმა.

წყარო: M.E.N.