ლუი ვან გაალი აღნიშნავს, რომ ლუკ შოუს ტრავმა დიდი დარტყმაა თანაგუნდელებისა და მისი სამწვრთნელო გეგმებისთვის, თუმცა სასიხარულო ამბავი ის არის, რომ უეინ რუნი "საუთჰემპტონთან" თამაშს შეძლებს.

შოუმ ჩემპიონთა ლიგის მატჩში "პსვ ეინდჰოვენის" წინააღმდეგ მატჩში პირველ ტაიმში მიიღო ტრავმა და ჯერ კიდევ ვერ ახერხებს გამოჯანმრთელებას.

რუნიმ კი "ლივერპულთან" მატჩის წინ მიიღო დაზიანება და ჰოლანდიაში გამართული შეხვედრაც გამოტოვა, თუმცა ახლა უკვე მზად არის შემადგენლობაში მოხვედრისთვის.

ტრავმირებულებზე საუბრისას ვან გაალმა განაცხადა: "უნდა აღვნიშნო, რომ შოუ ძლიერი და ფორმაში მყოფი იყო. წინა დღისგან განსხვავდებოდა, ამიტომ მიხარია, თუმცა მან იცის, რომ წინ ჯერ კიდევ დიდი გზაა გასავლელი. ოპერაცია კარგად დასრულდა, მაგრამ ცოტა ოპერაცია თუ არის კარგი. უნდა მოვიცადოთ და ვნახოთ, რამდენ დროს მოითხოვს.

ჩემი საუბარი სუბიექტის შესახებ, სულს უძლიერებს. ყოველი მოთამაშე, ყოველი კოლეგა ინტერესდება მისით და ეს შესაძლოა არ იყოს კარგი (თუ მას დასვენება სურს). მე მივწერე მას იმისთვის, რომ ყველაზე ბოლოს გამოვქომაგებოდი, რადგან დასვენებაც მნიშვნელოვანია გამოჯანმრთელებისთვის. რა თქმა უნდა, კარგი ექიმი და სამედიცინო დეპარტამენტი გვყავს.

ჰოლანდიაში ხალხი გავგზავნეთ, რათა მისი დაბრუნებისას მასზე იზრუნონ. ამაზე და მის ოჯახზე უნდა ვიზრუნოთ, რადგან მისი ოჯახიც იქ არის. შოუსთვის ეს უდიდესი მხარდაჭერაა. მთავარი ის არის, როგორ ჩაივლის გამოჯანმრთელების პროცესი."

როცა ჰკითხეს დაცვაში დანაკლისის შესახებ, ლუიმ უპასუხა: "რა თქმა უნდა, ეს დიდი დანაკლისია. ამ სეზონში განსაკუთრებით გამოვყავი, რომ ეს ლუკ შოუს სეზონი იქნებოდა. მან ფანტასტიკურად დაიწყო და ეს ყველამ ნახა. უდიდესი დანაკლისია, უდიდესი დანაკარგი.

ხელახლა უნდა ააგო კომბინაცია მის გარეშე. მემფისი და შოუ დიდებული კომბინაცია იყო, ახლა კი ახალი უნდა ავაგო. ახალად უნდა დაიწყო და ეს ყოველთვის რთულია. მისთვისაც რთულია, ვინც შოუს ჩაანაცვლებს".

რაც შეეხება სხვა ტრავმირებულ ფეხბურთელებს, რუნისა და ჯონსს, ვან გაალმა კაპიტნის შესახებ უფრო პოზიტიური ამბები გაავრცელა.

"რუნი სათამაშოდ მზად არის. მან მხოლოდ ერთი კვირა გამოტოვა. ასე იმიტომ მოხდა, რომ რისკი არ გავწიეთ. ფილ ჯონსი დაბრუნდა და ჯგუფთან ერთად პირველად ივარჯიშა. მატჩის ჩასატარებლად არ არის მზად, მაგრამ ვარჯიში შეუძლია. მხოლოდ შოუ არის ტრავმირებული".

წყარო: manutd.com