"საუთჰემპტონთან" მატჩში "იუნაიტედს" მიმდინარე სეზონში პირველი ცვლილების გაკეთება მოუწევს დაცვის ხაზში. "წითლებმა" რვა უკვე ყველა ჩემპიონატში ერთად რვა შეხვედრა ჩაატარეს და აქედან ყველა მატჩში უკანა ხაზი უცვლელი იყო - მატეო დარმიანი, დეილი ბლინდი, კრის სმოლინგი და ლუკ შოუ. ამ ოთხეულმა ვან გაალის ნდობა მოიპოვა და უცვლელად იქცა, მაგრამ შოუს ტრავმის გამო ვან გაალს პირველად მოუწევს სასტარტო შემადგენლობაში სხვა მცველის ჩასმა. ლუის შეუძლია მარცხენა ფლანგზე ბლინდი გადაწიოს და მის მაგივრად მარკოს როხო ათამაშოს. შესაძლებელია ეშლი იანგის უკან დახევა და მარცხნივ თამაში, რაც გასულ სეზონში ხშირად ვიხილეთ. სათადარიგოთა სკამზეა ახალგაზრდა პადი მაკნეირიც.

1993/94 წლების სეზონში პოლ პარკერმა, სტივ ბრიუსმა, გარი პალისტერმა და დენის ირვინმა სეზონის პირველი 11 მატჩი შეუცვლელად ჩაატარეს. ისტორიული თვალსაზრისით, ჯერ-ჯერობით სწორედ ისინი ფლობენ კლუბის ამ საინტერესო რეკორდს.

2007/08 წლებში უესლი ბრაუნმა, რიო ფერდინანდმა, ნემანია ვიდიჩმა და პატრის ევრამ სეზონის პირველი ცხრა შეხვედრა გამართეს. 1999/2000 წლებში კი ფილ ნევილმა, სტამმა, ბერგმა და ირვინმა პირველი 8 მატჩი ჩაატარეს.

წყარო: manutd.com