"მანჩესტერ იუნაიტედის" ყოფილმა ფორვარდმა, რუდ ვან ნისტელროიმ, კლუბის ახალწვეულ ენტონი მარსიალზე თავისი შეხედულება გამოთქვა და ასევე აღნიშნა, რომ ლუი ვან გაალის დიდი თაყვანისმცემელია.

"თუ მარსიალი გააგრძელებს იგივეს კეთებას, რაც მან "ლივერპულთან" ჩაიდინა, ის ნამდვილ აღმოჩენად იქცევა." - განაცხადა რუდმა "პსვ"-სა და "იუნაიტედის" 19 წლამდელთა გუნდების შეხვედრაზე დასწრების შემდეგ. - "სხვა მხრივ, რას უნდა ველოდოთ მისგან თუ რეალისტები ვიქნებით? იმედი უნდა გვქონდეს, რომ "მანჩესტერისთვის" მნიშვნელოვან ფეხბურთელად ჩამოყალიბდება."

"ჩანს, რომ მარსიალი ზუსტად ის გამოკვეთილი ფორვარდია, რომელც გუნდს სჭირდება. უეინ რუნიც ამ პოზიციაზე თამაშობს, თუმცა მე არ ვფიქრობ, რომ ამ პოზიციაზე საუკეთესოდ ავლენს თავის შესაძლებლობებს. აშკარაა, რომ უეინს შეუძლია ამ როლის მორგება და გოლების გატანა, თუმცა მარსიალი უნდა იყოს შეტევის წინა ხაზზე, ხოლო რუნი მის უკან უნდა მოქმედებდეს. ეს შესანიშნავი ტანდემი იქნება."

"ჩვეულებრივ, 4 ტურნირზე მოასპარეზე გუნდები, სეზონის წინ, საკუთარ შემტევთა რიცხვს აორმაგებენ, მაგრამ "იუნაიტედმა" ასე არ გააკეთა. ეს ბევრ კითხვებს გააჩენს სეზონის განმავლობაში, მაგრამ მე არ ვფიქრობ, რომ "მანჩესტერის" შეტევა იმედებს აცრუებს, შემტევები რეგულარულად ქმნიან მომენტებს, მხოლოდ რეალიზაციის დამუშავება სჭირდებათ."

"აქამდე მარსიალზე არაფერი მსმენოდა, თუმცა მას აქვს პოტენციალი, რომ გახდეს მორიგი მოულოდნელი აღმოჩენა. ენტონის ჯერ კიდევ დრო სჭირდება, თუმცა მისი ნიჭი აშკარად ჩანს."

ვან ნისელროიმ, აგრეთვე განაცხადა, რომ ესმის საით მიყავს გუნდი ლუი ვან გაალს და რა მიზნის მისაღწევად შრომობს ის.

"მე ვიცი რას ეძებს ვან გაალი და ვხედავ, რომ ნელ-ნელა ის მიზნისკენ მიიწევს. პირველ რიგში, მას სურდა დაცვაში ბურთის კონტროლის გაძლიერება და ეს არის ახალი გუნდის აშენების საფუძველი. ვფიქრობ, ამ სეზონში ზუსტად ამ პროცესს მივადევნებთ თვალს. თავიდან ლუის საფუძვლის ჩაყრა სურს, რომლის წყალობითაც გუნდი უკეთ და უკეთ ითამაშებს მომდევნო წლებში."

"მე მისი დიდი გუნლშემატკივარი ვარ. ლუიმ 4 თუ 5 კლუბში შექმნა ძლიერი გუნდი. ვან გაალი ყოველთვის აღწევს წარმატებას."

წყარო: manutd.ru