თბილისი:
მანჩესტერი:
15-09-2015, 14:23
ავტორი: Jubo,
ნანახია: 1014,
კომენტარები: 8
მემფისის სევდიანი ისტორია
ის, რაც მემფისზე არ იცით
მემფისის სევდიანი ისტორია
შეგიძლიათ მას დაუძახოთ მემფისი, მაგრამ არა მემფის დეპაი. მხოლოდ დეპაი ხომ საერთოდ უარესია. ახალგაზრდა ვარსკვლავის მხრიდან ეს შეიძლება ქედმაღლურად მოგეჩვენოთ, მაგრამ ასე არ არის. 21 წლის ნახევარმცველს მიზეზი აქვს, რის გამოც მაისურზე მას მემფისი აწერია.

„ყველას ურჩევნია, რომ მაისურის უკანა მხარეს გვარი ეწეროს, თუმცა არა მე. ბზარი, რომელიც ჩემი და მამაჩემის ურთიერთობაშია, აღუდგენელია. მასთან არ ვლაპარაკობ, არანაირი კონტაქტი არ მაქვს. და არც არასდროს მექნება“ - ამბობს ის.

მემფისი მედიასთან ხშირად არ საუბრობს, განსაკუთრებით პირადულ საკითხებზე. ჰოლანდიურმა გამოცემამ სცადა სხვადასხვა წყაროებიდან შეეგროვებინა ინფორმაცია მის ცხოვრებაზე.

მემფისი როტერდამის გარეუბანში დაიბადა. მისი დედა ჰოლანდიელი იყო, მამა კი განელი. მისი ქუჩა და სამეზობლო სავსე იყო კრიმინალებით. როცა ოთხი წლის იყო, მამამ მიატოვა. დედა ერთადერთ შვილთან, მემფისთან ერთად სხვა კაცთან გადავიდა საცხოვრებლად. კაცთან, რომელსაც უკვე 15 ბავშვი ჰყავდა, სხვადასხვა ქალებისგან. 16 წლის მემფისისთვის ეს ცხოვრებაში ყველაზე რთული პერიოდი იყო.

„არ შემიძლია გესაუბროთ, რა ხდებოდა ჩემს სახლში იმ პერიოდში. არ მინდა, რომ ხალხს ვეცოდებოდე.“ ერთ-ერთ ინტერვიუში, მან მცირე კომენტარი გააკეთა: „ამ პერიოდში, უბრალოდ უნდა გადავრჩენილიყავი. უნდა მებრძოლა და გზას არ ავცელილიყავი.“ მას ოჯახში ფიზიკურ შეურაცხყოფებზე ჰკითხეს, მაგრამ მემფისმა თქვა, რომ ამაზე საუბარი არ შეეძლო.

მალე, მისი დედის ახალმა „ბოიფრენდმა“ ლატარიაში დიდი თანხა მოიგო და ოჯახი მანაც მიატოვა. მას შემდეგ, მემფისი დედასთან ერთად მარტო ცხოვრობდა, დიდი ფინანსური პრობლემებით. ბიოლოგიურ მამას მის აღზრდაში მონაწილეობა საერთოდ არ მიუღია.

მემფისი თავის ბაბუას (დედის მხრიდნა) აღმერთებდა, მაგრამ 15 წლის ასაკში ისიც დაკარგა - გარდაიცვალა. სწორედ ამ პერიოდში მან კლუბ „სპარტას“ აკადემია დატოვა და „პსვში“ გადავიდა. კლუბში არ იცოდნენ, როგორ გამკლავებოდნენ მას. მემფისი ფიცხი, ყოველთვის გაბრაზებული და რთული პიროვნება იყო. მემფისი ავტორიტეტს ვერ იტანდა და ფიქრობდა, რომ არავინ სჭირდებოდა. რამდენჯერმე გადაურჩა აკადემიიდან გაგდებას. მწვრთნელები ყოველთვის მისი დიდი ტალანტის გამო იკავებდნენ თავს.

მემფისი ფიქრობს, რომ ფეხბურთმა მას ბევრი ცუდი რამ აარიდა თავიდან: „ვფიქრობ, სწორედ ამან ამარიდა ქუჩის ცხოვრებას. ქუჩაში ისეთ რაღაცეებს მაინც ვაკეთებდი, რაც არ უნდა გამეკეთებინა. ამას ვაღიარებ და ძალიან ვწუხვარ. ერთ დღესაც გავიაზრე, რომ თუ დამიჭერდნენ, ფეხბურთის თამაშს ვეღარ შევძლებდი და სწორედ ეს დამეხმარა“

მან აკადემიდან პირველ გუნდში გადაინაცვლა, სეზონში 12 გოლი გაიტანა, ლუი ვან გაალიც ნდობა მოიპოვა და მსოფლიო ჩემპიონატზე ითამაშა. ერთ-ერთ მატჩში, ავსტრალიის ნაკრებთან შორიდან ულამაზესი გოლი გაიტანა. ვან გაალმა შეხვედრის შემდეგ შემდეგი სიტყვები თქვა: „მემფისი, შესანიშნავია“.

მსოფლიო ჩემპიონატის შემდეგ ჰოლანდიის ერედივიზიაში მან 22 გოლი გაიტანა. მამამ შვილთან ურთიერთობის აღდგენა სცადა, მაგრამ უშედეგოდ. ის „იუნაიტედში“ გადაბარგდა და ლეგენდარული ნომერი მოირგო. დღეს მემფისი მარტოსული აღარაა, ის მეგობრებთან ერთად ატარებს დროს, ურთიერთობა აქვს განელ ნახევარძმასთან. მამა დიდი ხანია აცხადებს, რომ მომხდარის გამო ძალიან სწუხს და ურთიერთბის აღდგენა უნდა. თუმცა, ჩემპიონთა ლიგაზე მისი დებიუტის შემდეგ, BBC-ის წამყვანებმა განაცხადეს: „ჩვენ გვთხოვეს, რომ ამ ახალ ბიჭს მხოლოდ მემფისი დავუძახოთ“.

მოიწონეთ გვერდი: Memphis Depay Georgia
წყარო: https://sports.yahoo.com/
სტატიები, ბიოგრაფიები
8 კომენტარი
№1
ავტორი: barteza
15 სექტემბერი 2015 14:32
  • სიახლეები: 0
  • კომენტარები: 3
დედამისი სადაა?
0
№2
ავტორი: Jubo
15 სექტემბერი 2015 14:39
  • სიახლეები: 506
  • კომენტარები: 1947
barteza,
ჰოლანდიაში ცხოვრობს. კარგი ურთიერთობა აქვთ. ვიდეო
0
_ _ _ _ _ _ _ _ _ _ _ _ _ _ _ _ _ _ _ _
Giggsy 13
Gerrard 0
№3
ავტორი: ვახო ( G G M U)
15 სექტემბერი 2015 15:47
  • სიახლეები: 0
  • კომენტარები: 4266
საკმაოდ რთული ცხოვრება ქონია და ვერც გაამტყუნებ, რომ მამასთან არანაირი ურთიერთობა არ უნდა. როცა ყველაზე მეტად უნდოდა მაშინ არ იყო მამა მასთან და ეხლა რაში ჭირდება??? მის ადგილზე ალბათ 99 პროცენტი ესე მოიქცეოდა როგორც ეხლა თვითონ იქცევა, მაგრამ ყოფილი გუნდის კარში სადაც 10 წელი გაატარე გოლი არ უნდა აღნიშნოს და იმედია არც აღნიშნავს. უბრალოდ არ იქნება მისი მხრიდან სწორი საქციელი.
0
№4
ავტორი: Jorbe-Jorbe
15 სექტემბერი 2015 16:22
  • სიახლეები: 8
  • კომენტარები: 1266
Gasagebia yvelafeeri magram psvs tu gautans ar unda agnishnos mainc.
0
№5
ავტორი: GeorgeBest
15 სექტემბერი 2015 16:29
  • სიახლეები: 1060
  • კომენტარები: 11641
15 შვილი რა ამბავია რამ გადარია ტიპი derpwhy

მამამისი რა ცენზურა კაცია, ეხლა რო მოუნდა ამასთან ურთიერთობა wink
0
№6
ავტორი: AkkRed
15 სექტემბერი 2015 16:34
  • სიახლეები: 74
  • კომენტარები: 4671
რა ტანჯულა ცხოვრება ჰქონია ამ უბედრუკს :დ
0
№7
ავტორი: chudikone
15 სექტემბერი 2015 19:31
  • სიახლეები: 385
  • კომენტარები: 3205
ცხოვრებაზე გამწარებული მოედანზე იყრის ჯავრს :D
0
_ _ _ _ _ _ _ _ _ _ _ _ _ _ _ _ _ _ _ _
I saw my mate The other day, He said to me I’ve seen the white Pele
So I asked who is he, He goes by the name of Wayne Rooney.
Wayne Rooney
Wayne Rooney
He goes by the name of
Wayne Rooney!
№8
ავტორი: Count Alucard
15 სექტემბერი 2015 19:34
  • სიახლეები: 28
  • კომენტარები: 1981
აშკარად ძლიერი პიროვნებაა, რადგან ამდენ სტრესს ბევრი ვერ უძლებს და ადრეულ ასაკში(16-17 წლისა) სუიციდით ამთარებენ ხოლმე. ორმაგად პატივს ვცემ მემფისს ამის შემდეგ.
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

1 აპრილი 2017, 18:00
იუნაიტედი
ვესტ ბრომვიჩი
პრემიერ ლიგა
4 აპრილი 2017, 23:59
იუნაიტედი
ევერტონი
პრემიერ ლიგა
9 აპრილი 2017, 17:30
სანდერლენდი
იუნაიტედი
პრემიერ ლიგა
ვესტ ბრომვიჩი1 აპრილი
ევერტონი4 აპრილი
სანდერლენდი9 აპრილი
ვიდეო პორტალი

წინა მატჩები

19 მარტი 2017, 16:00
მიდლსბრო1
იუნაიტედი3
პრემიერ ლიგა
16 მარტი 2017, 23:59
იუნაიტედი1
როსტოვი0
ევროპა ლიგა
13 მარტი 2017, 23:45
ჩელსი1
იუნაიტედი0
ინგლისის თასი
მიდლსბრო19 მარტი
როსტოვი16 მარტი
ჩელსი13 მარტი

მატჩის საუკეთესო

ჯესი ლინგარდი
14
ჯესი ლინგარდი

პრემიერ ლიგა

Widget powered by WhatstheScore.com

ჩამოშლა

წიგნები

შემოგვიერთდი

ყველა უფლება დაცულია

© MANUTD.GE 2016

Top