გუშინ, ინგლისის პრემიერ ლიგის მე-5 ტურის ცენტრალური მატჩი "ოლდ ტრაფორდზე" გაიმართა, სადაც ერთმანეთს "მანჩესტერ იუნაიტედი" და "ლივერპული" დაუპირისპირდნენ.
პირველმა ტაიმმა მოსაწყენად და მომენტების გარეშე ჩაიარა. ერთადერთი სახიფათო მომენტი მე-7 წუთზე მინოლეს შეცდომის შემდეგ შეიქმნა, როდესაც მარუან ფელაინიმ სცადა მეტოქის კარის აღება, თუმცა ბურთი კარს ზემოდან გადასცდა.
მეორე ტაიმის დასაწყისშივე მასპინძლები დაწინაურდნენ. 49-ე წუთზე მანჩესტერელებმა საჯარიმო დარტყმა ჭკვიანურად გაითამაშეს, ხუან მატამ საჯარიმოს მისადგომებთან უმეთვალყურეოდ მყოფ დეილი ბლინდს დაუგორა ბურთი, რომელმაც მინოლეს შანსი არ დაუტოვა და "იუნაიტედი" დააწინაურა. მანჩესტერელებმა მეორე გოლის გატანა 70-ე წუთზე მოახერხეს, ანდერ ერერას წაქცევისთვის მსაჯმა პენალტი დანიშნა, რომელიც თავად დაზარალებულმა გოლად აქცია.
სტუმრებმა საპასუხო გოლის გატანა 84-ე წუთზე მოახერხეს. კრისტიან ბენტეკემ საოცარი დარტყმით აიღო მეტოქის კარი. ზუსტად 2 წუთში შეცვლაზე შემოსულმა ენტონი მარტიალმა დებიუტი ულამაზესი გოლით აღნიშნა და საბოლოო ანგარიში, 3-1 დააფიქსირა.
5 ტურის შემდეგ ლუი ვან გაალის გუნდი 10 ქულით მეორე ადგილზე იმყოფება. შემდეგ მატჩს "წითელი ეშმაკები" 20 სექტემბერს, "საუთჰემპტონის" წინააღმდეგ გამართავენ.
მიმოხილვები
2 კომენტარი
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.