"მანჩესტერ იუნაიტედის" ლეგენდარული მოთამაშე, სერ ბობი ჩარლტონი 1968 წელს ინგლისის ნაკრების ბომბარდირი გახდა და 1970 წელს სარეკორდო 49-ე გოლი გაიტანა. 2015 წლის 8 სექტემბერს "იუნაიტედისა" და ინგლისის ეროვნული ნაკრების კაპიტანმა, უეინ რუნიმ 45 წლიანი რეკორდი დაამხო და ინგლისის ნაკრების ყველა დროის საუკეთესო ბომბარდირი გახდა, 50 გოლით. სერ ბობიმ კი ეს ფაქტი უყურადღებოდ არ დატოვა და უეინს რეკორდის მოხსნა მიულოცა.

"მე მინდა უეინს ინგლისის ნაკრების ბომბარდირობა მივულოცო" - ციტირებს სერ ბობის სიტყვებს კლუბის ოფიციალური საიტი. - "ყოველთვის ვამაყობდი, რომ ამ რეკორდის მფლობელი ვიყავი, ნაკრებში თამაშს კი დიდ პრივილეგიად მივიჩნევდი."

"ვერ ვუარყოფ, რომ ოდნავ იმედგაცრუებას ვგრძნობ, რადგან ეს რეკორდი მე აღარ მეკუთვნის, თუმცა ძალიან მხარებს ის ფაქტი, რომ სწორედ უეინმა მოხსნა ის, რადგან რუნი ჩემი საყვარელი კლუბისა და ეროვნული ნაკრების კაპიტანია."

"ჩემგან და სრულიად "მანჩესტერ იუნაიტედისგან" მინდა ვთქვა: "გილოცავთ უეინ, შენ და შენი ოჯახი უნდა ამაყობდეთ. მე მჯერა, რომ მრავალი წლის განმავლობაში ეს რეკორდი მოუხსნელი დარჩება და შენ კიდევ დიდხანს გააგრძელებ გოლების გატანას კლუბისა და ნაკრების მაისურით."

წყარო: manutd.ru