"მანჩესტერ იუნაიტედის" და ესპანეთის კიპერი დევიდ დე ხეა ამბობს, რომ ის მზადაა კლუბში დასაბრუნებლად. დევიდმა ესპანეთის ნაკრებში სეზონის პირველი შეხვედრა გამართა და კარი მშრალად შეინახა. დე ხეას კლუბი შაბათს "ლივერპულს" დაუპირისპირდება, თუმცა მისი თამაში ლუი ვან გაალის გადაწყვეტილებაზეა დამოკიდებული.

"მოედანზე თავს კარგად ვგრძნობდი. მოხარული ვარ, რომ ვითამაშე. თამაში ნამდვილად მჭირდებოდა, მწვრთნელმა თავდაჯერებულობა მომმატა. მწვრთნელთან ერთად, თანაგუნდელების მადლიერი ვარ, მათ ძალიან კარგი შეხვედრა ჩაატარეს. ახლა ჩემი მიზანია მუშაობა განვაგრძო. ვნახოთ, გამიმართლებს თუ არა ჩემს კლუბში. ჩემი მომავალი ისეთივე იქნება, როგორიც აქამდე იყო. დამშვიდებული ვარ, მზად ვარ სამუშაო განვაგრძო და გავუმჯობესდე." - განაცხადა დე ხეამ.

მატჩის შემდეგ კომენტარი გააკეთა ხუან მატამაც: "დარწმუნებული ვარ, ყველაფერი ისე გაგრძელდება, როგორც აქამდე იყო და დე ხეა გუნდის კარს დაიცავს. ფანებს დევიდი უყვარს, მან უკანასკნელი ორი წლის განმავლობაში კლუბისთვის ძალიან ბევრი რამ გააკეთა. ეჭვი არ მეპარება, რომ ის ახლაც ძალიან კარგ სეზონს ჩაატარებს" - განაცხადა მატამ.

შეგახსენებთ, დე ხეამ ბოლოს "იუნაიტედის" კარი 29 ივლისს, "პსჟსთან" მატჩში დაიცვა.

წყარო: skysports.com