დეილი თვლის, რომ მას და კრის სმოლინგს შეუძლიათ, ცენტრალურ მცველთა კარგი დუეტი ჩამოაყალიბონ. შეგახსენებთ, რომ დეილის გასულ სეზონშიც რამდენჯერმე მოუხდა ცენტრალური მცველის პოზიციაზე თამაში. ახალი სეზონის სტარტიდანვე ლუი ვან გაალმა ბლინდი ცენტრალური მცველის პოზიციაზე განამწესა და, როგორც ჩანს, ამის შეცვლას ჯერჯერობით არ აპირებს.
"იმისათვის, რომ მე გავხდე წარმატებული ჩემს ახალ პოზიციაზე, ვცდილობ, გავაკეთო ყველაფერი, რაც შემიძლია. ამაში ხელს ნდობა მიწყობს, რომელიც ჩვენი მენეჯერისგან მოდის ჩემ მიმართ.''
''მე ძალიან მომწონს კრის სმლონიგთან დუეტში თამაში,ის მშვენიერი მცველია, რომლისგანაც მე შემიძლია ბევრი რამის სწავლა. მე იმ ფეხბურთელებს განვეკუთვნები, რომლებსაც ადაპტირების პრობლემა არ გააჩნიათ სხვადასხვა პოზიციაზე.''
''შემიძლია, ვითამაშო მარცხენა მცველად, ცენტრალურ მცველად, საყრდენ ნახევარმცველად. უბრალოდ ვუფიქრდები, რა მჭირდება მე იმისათვის, რომ გავხდე ამ პოზიციაზე წარმატებული?! ეს ვისწავლე მაშინ, როცა ჯერ კიდევ "აიაქსის" აკადემიაში ვირიცხებოდი და მე მათი მადლიერი ვარ."-განაცხადა დეილი ბლინდმა.