როგორც The Mirror იტყობინება, "იუნაიტედს" გადაწყვეტილი აქვს , პოლ სქოულზი აკადემიის სამწვრთნელო შტაბში დააბრუნოს.

ამჟამად სქოულზი სპორტულ ტელეარხ BT Sport-ში საფეხბურთო ექსპერტად მუშაობს. პოლს საავტორო ბლოგი აქვს გაზეთ The Independent-ში, რომელშიც ცალსახად აკრიტიკებდა ლუი ვან გაალის მოქმედებებს, თუმცა მთავარი მწვრთნელის ასისტენტი, რაიან გიგზი და აკადემიის გუნდის მთავარი მწვრთნელი, ნიკი ბატი სქოულზის დაბრუნებას 19 წლამდელთა გუნდში აუცილებლად მიიჩნევენ, რადგან გუნდმა ახალგაზრდულ ჩემპიონთა ლიგაზე მონაწილეობა უნდა მიიღოს.

სქოულზი უკვე ეხმარებოდა ნიკი ბატს აკადემიის გაწვრთნაში მაშინ, როცა კლუბს დევიდ მოიესი წვრთნიდა. ახლა მას შეიძლება BT Sport-თან პრობლემა შეექმნას, რადგან თუ ის დათანხმდება აკადემიის გაწვრთნას, ვეღარ შეძლებს ჩემპიონთა ლიგის მატჩების კომენტირებას.

წყარო: manutd.ru