გადაწყდა, დე ხეა "იუნაიტედში" რჩება. თუმცა რატომ ამას ახლავე გაიგებთ.

პირველ რიგში, "რეალმა" გადაწყვიტა რომ არ შეიტანოს აპელაცია ლა ლიგაში და არც მის ზემდგომ ორგანოებში. თუმცა, მადრიდული კლუბის განცხადებით ყველაფერში დამნაშავე "იუნაიტედია" და მათი აზრით ინგლისურმა კლუბმა, სპეციალურად შეაყოვნა ტრანსფერი.

29,5 მილიონი ფუნტ სტერლინგი, სწორედ ამ თანხას იხდიდა "რეალი" და პლიუს კეილორ ნავასს. ყველაფერი ეს შეთანხმებული უკვე ორშაბათს იყო. თუმცა როგორც აღმოჩნდა, კლუბებს უბრალოდ დრო არ ეყოთ, იმისათვის რომ ტრანსფერი ოფიციალურად შეეთანხმებინათ და ადმინისტრაციული წესები დაეცვათ.

თუმცა, მეორეს მხრივ ჩანს რომ ტრანსფერი სპეციალურად შეყოვნდა და საბუთები 28 წუთის დაგვიანებით გადაიგზავნა. არის საუბარი იმაზეც, რომ მადრიდულ კლუბს საერთოდ არ მიუღია არანაირი საბუთი, არც დაგვიანებით.

"იუნაიტედი" კი საპირისპიროს ირწმუნება, რომ მათ ყველა "ფურცელი" მოაწესრიგეს, თანაც დროულად და სხვათაშორის, კლუბი მზადაა ყველაფერი ეს დაადასტუროს, რომ მოწესრიგებული საბუთები დროულად იქნა გადაგზავნილი. ამაზე საპასუხოდ კი, "რეალმა" 10 პუნქტიანი გეგმა შეადგინეს, სადაც სრულად აღწერილია თუ რა მოხდა რეალურად და თუ რატომ ჩაიშალა ესპანელი კიპერის ტრანსფერი.


1. "იუნაიტედი" დათანხდმა მოლაპარაკებაზე ორშაბათს დილით.

2. "რეალმა" ინიციატივა გამოიჩინა საუბარში.

3. მანჩესტერული კლუბი მზად იყო შეთანხმებისთვის, თუ ტრანსფერში ნავასიც ჩაერთვებოდა.

4. ორივე კლუბი შეთანხმდა, ამის შემდეგ "რეალმა" გაუგზავნა დოკუმენტები "იუნაიტედს" 12:39 (ბრიტანეთის დროით)

5. "იუნაიტედმა" დოკუმენტები მადრიდში გაგზავნა 18:39 (ბრიტ, დროით) , სადაც მცირე ჩასწორებები შეიტანა, რაზეც "რეალი" მაშინვე დათანხმდა.

6. მადრიდიდან გაიგზავნა კონტრაქტები მანჩესტერში 22:32 (ბრიტ, დროით) და ისინი ელოდებოდნენ თუ როდის გამოგზავნიდნენ "იუნაიტედიდან" ამ კონტრაქტებს ხელ-მოწერილს.

7. 22:53 "იუნაიტედი" იღებს თანხმობას ნავასისგან და შემდეგ გზავნის მასთან კონტრაქტს, ხელის მოსაწერად.

8. "იუნაიტედი" შევიდა (TMS) -ში, რომ შეეყვანა დეტალები დე ხეას ტრანსფერის შესახებ. ამის შემდეგ მანჩესტერულმა მხარემ გაგზავნა კონტრაქტი მადრიდში, რომელიც მათ 23:02-ზე (ბრიტ, დროით) მიიღეს. მადრიდული მხარე ეცადა შეეტანა დეტალები (TMS) -ში, თუმცა მათ ვერ მოიპოვეს უფლება. ესპანეთში სატრანსფერო ფანჯარა ბრიტანეთის დროით 23 საათზე დაიხურა.

9. 11:26 (ბრიტ, დროით) (TMS) -მ მიიწვია "რეალი", რადგან ინგლისში ჯერ კიდევ არ იყო ამოწურული სატრანსფერო დედლაინი. ანუ, ჯერ კიდევ იყო დრო იმისათვის, რომ ტრანსფერი შემდგარიყო. მიუხედავად იმისა, რომ მადრიდულმა მხარემ იცოდა, ტრანსფერის დარეგისტრირება უკვე დაგვიანებული იყო, მაინც გააგზავნეს კონტრაქტი პროფესიონალური ფეხბურთის ლიგაში.

10. "რეალმა" ყველაფერი გააკეთა იმისათვის, რომ ტრანსფერი შემდგარიყო და შეთანხმება მიღწეულიყო.

*TMS - ფიფას, ტრანსფერების მართვის სისტემა.

შეგახსენებთ, რომ ეს 10 პუნქტიანი გეგმა ოფიციალურმა "რეალმა" გამოაქვეყნა.


წყარო: "სქაისპორტი"