Sky Sports-ის ექსპერმა, პოლ მერსონმა კვირას გასამართ შეხვედრაზე პროგნოზი გააკეთა. "იუნაიტედი" უელსში "სუონსის" ეწვევა და პოლი დაძაბულ თამაშს ვარაუდობს.

"გასულ კვირას "იუნაიტედმა" შინ "ნიუკასლის" გატეხვა ვერ მოახერხა, ასევე რთულად იმარჯვეს "ასტონ ვილასთან" და "ტოტენჰემთან" შეხვედრებშიც, რთულია ასეთი თამაშით ფონს გასვლა.

"სუონსის" უყვარს ბურთის კონტროლი და ისინი ჩემი ფავორიტები არიან. მართალია, კვირას გასამართ შეხვედრაში ბევრი მიზეზის გამო ყველა აუტსაიდერად მიიჩნევს მათ, მაგრამ ჩემი აზრით, უელსური კლუბი მოახერხებს გამარჯვების მიღწევას.

უეინმა როგროც იქნა, დაასრულა მშრალი სერია, მაგრამ მე მაინც არ მომწონს მისი ცენტრ-ფორვარდად გამწესება. მან უნდა ითამაშოს 10-იანის პოზიციაზე და შეხვედრაში ბურთს 50-ზე მეტჯერ შეეხოს და არა 25-ჯერ.

მე მსურს, მისგან ვიხილო დრიბლინგი, შექმნილი შანსები, მე მისი უდიდესი გულშემატკივარი ვარ, მაგრამ არა, როდესაც ყველაზე წინ მოქმედებს."

მერსონის პროგნოზი: "სუონსი" - "მანჩესტერ იუნაიტედი" 2:1.