გილოცავ, უეინ! ჰეთ-თრიკი ჩემპიონთა ლიგაზე. სად არის ბურთი?

(იცინის) ის გასახდელშია. რა თქმა უნდა, ძალიან ბედნიერი ვარ, რომ გავიტანე, თუმცა, რაც ყველაზე მთავარია, გუნდისთვის იდეალური მატჩი გამოვიდა. ჩვენ ჩემპიონთა ლიგას დავუბრუნდით ერთწლიანი პაუზის შემდეგ. შესანიშნავი შედეგი ორი მატჩის ჯამში - ძალიან გახარებულები ვართ, ხოლო უკვე ხვალ კენჭისყრის შედეგს დაველოდებით.

მნიშვნელოვანი იყო გუნდისთვის, როგორც თქვი, მაგრამ შენთვისაც ძალიან საჭირო მატჩი იყო. როგორ ფიქრობ, დღევანდელი პერფორმანსი რამდენიმე დღით მაინც დაადუმებს კრიტიკოსებს?

არ დაგიმალავთ და გეტყვით, რომ არა ჩემი ძლიერი ხასიათი, კრიტიკა ჩემზე ცუდად იმოქმედებდა. თუმცა მე ვიცი ჩემი დონე. ვიცი, რისი მიცემა შემიძლია გუნდისთვის. მაშინაც კი, როდესაც გატანა არ გამომდის, ვცდილობ, თანაგუნდელებს აქტიურად დავეხმარო. საბედნიეროდ, დღეს მომეცა შანსები და მე ისინი გამოვიყენე. მე არ მინერვიულია. ჯერ ხომ სეზონის სტარტია, ეს რომ კიდევ 4-5 მატჩი გაგრძელებულიყო შესაძლოა, მაშინ მენერვიულა, მაგრამ ვიცოდი, თუკი შანსი მომეცემოდა, აუცილებლად გოლად ვაქცევდი.

გოლის აღნიშვნის დროს ხელები ცისკენ გაიშვირეთ. ეს მადლობის მსგავსი იყო, თუ სხვა რამეს ნიშნავდა?

თუკი ჩემს თამაშებს კარგად უყურებთ, გოლის გატანის შემდეგ ასე უკვე წლებია ვაკეთებ.

დამავიწდა, მაპატიე! როგორც თქვი, შენზე კრიტიკა არ მოქმედებს. გატანილი გოლები თუ გმატებს თავდაჯერებულობას?

არა, ნუ, როგორც თავდამსხმელს გსურს, რაც შეიძლება მეტი გაიტანო. ყველა გასული სეზონის ბოლო ნაწილს უბრუნდება - ჩვენ ვერ ვახერხებდით გოლის გატანას. პრესა ყოველთვის გადამეტებულად აფასებს სიტუაციებს, თუმცა მე ამას უკვე მივეჩვიე. ადრეული წლებიდან ჟურნალისტების ყურადღების ქვეშ ვარ, იმის გამო, თუ ვინ ვარ და რა შემიძლია, ეს ახალი ნამდვილად არ არის. ეს ჩემი ცხოვრების ნაწილია, შეგუებული ვარ.

ხვალ კენჭისყრაა. საინტერესო დღე იქნება, არა?

დიახ, ეს ასეა. ძალები უნდა აღვიდგინოთ, მოვემზადოთ კვირისთვის და ვისიამოვნოთ კენჭისყრით. სასიამოვნოა დაბრუნება.

სუპერ. შესანიშნავი თამაში იყო.

მადლობა, მეგობარო.