"მანჩესტერ იუნაიტედი" ხვალ, თბილისის დროით 22:45-ზე ბელგიაში, იან ბრეიდელის სახელობის სტადიონზე ჩემპიონთა ლიგის საკვალიფიკაციო ეტაპის, პლეი-ოფის განმეორებით მატჩს გამართავს, ადგილობრივი "ბრიუგეს" წინააღმდეგ.

პირველი შეხვედრა, რომელიც "ოლდ ტრაფორდზე" გაიმართა, მასპინძლების უპირატესობით 3-1 დასრულდა და "წითელი ეშმაკები" განმეორებით მატჩს საკმაოდ კარგი ფორით ხვდებიან. კლუბმა უკვე დატოვა ინგლისი და მანჩესტერის საერთაშორისო აეროპორტში ლუი ვან გაალს 18 მოთამაშ იმყოფება. მათ შორის, კვლავ არ ჩანდა დავიდ დე ხეა, რომელიც უკვე ცნობილი მიზეზის გამო არ იღებს მონაწილეობას შეხვედრებში. ამასთან, დაბრუნდა მარუან ფელაინი, რომელმაც პირველ შეხვედრაში საბოლოო ანგარიში დააფიქსირა გატანილი გოლით.

სრული შემადგენლობა კი ასე გამოიყურება: სერხიო რომერო, სემ ჯონსტონი, დეილი ბლინდი, კრის სმოლინგი, მატეო დარმიანი, ლუკ შოუ, პედი მაკნეირი, მაიკლ კერიკი, მარუან ფელაინი, ბასტიან შვაინშტაიგერი, ანდერ ერერა, ხუან მატა, მორგან შნეიდერლინი, ეშლი იანგი, ადნან იანუზაი, მემფის დეპაი, ხავიერ ჩიჩარიტო ერნანდესი, უეინ რუნი.