მორგან შნეიდერლინი, რომელიც "იუნაიტედს" მიმდინარე სატრანსფერო ფანჯრის პერიოდში შეუერთდა, გეგმავს ამ ფორმაციის გუნდისთვის როი კინი გახდეს, რაც ძალიან ამბიციური განცხადებაა.

მისი განცხადებით, ძალიან სურს, ისეთი გავლენა ჰქონდეს გუნდზე, როგორიც თავის დროზე ირლანდიელს ჰქონდა.

"იმედი მაქვს, როი კინს დავემსგავესები, რადგან ის კლუბის ლეგენდაა. ის ჩემგან რადიკალურად განსხვავებული პერსონა იყო, რადგან მე ნაკლებად ვლაპარაკობ მოედანზე.

თუმცა, იმედი მაქვს, ისეთივე სასარგებლო ვიქნები გუნდისთვის, როგორც კინი. მისი და პატრიკ ვიეირას დაპირისპირება "იუნაიტედისა" და "არსენალის" შეხვედრებში ძალიან დასამახსოვრებელი იყო. მე ვუყურე დოკუმენტურ ფილმს ხსენებული ორის დაპირისპირებაზე - ძალიან საინტერესო იყო"

მორგანი "იუნაიტედის" კიდევ ერთი ლეგენდის და მისი თანამემამულელის, ერიკ კანტონას ასპარეზობითაა აღტაცებული.

"მისი თამაშის ამსახველი ბევრი ვიდეო მაქვს ნანახი, მე მას ვაღმერთებ. მიყვარს მოთამაშეები, რომლებსაც განსხვავებული ხასიათი აქვთ. შენ გჭირდება ასეთი მოთამაშეები. კანტონა ამბობდა იმას, რასაც ფიქრობდა.

მე მისი ინტერვიუებიც კი მაქვს ნანახი, რომლებიც ძალიან სასაცილოა. უბრალოდ გაოცებული ვიყავი მისი ეგოიზმით, როდესაც გაჰქონდა და ფანებისკენ ტრიალდებოდა."

კითხვაზე, თუ რასთან და ვისთან ასოცირდება მისთვის "მანჩესტერ იუნაიტედი", მორგანმა ასეთი პასუხი გასცა: "ოლდ ტრაფორდთან", სერ ალექსთან, ბექჰემთან, უდიდესი კლუბი მსოფლიოში, წითელ ეშმაკებთან და კიდევ ბევრ სხვასთან.

შეუძლებელია, ასეთი დიდი კლუბის ერთი სიტყვით დახასიათება. როდესაც პატარა ვიყავი, ბექჰემის თამაშებს ვუყურებდით და ყველას მოგვწონდა მისი ვარცხნილობა, ჯარიმები, პასები. ვცდილობდი, მიმებაძა. ძალიან მიყვარს ეს ფეხბურთელი.

ევროპული მატჩი, რომელმაც ყველაზე მეტად გამაოცა არის "მანჩესტერ იუნაიტედისა" და "მადრიდის რეალის" დაპირისპირება 2003 წლის ჩემპიონთა ლიგაზე, რომელიც 4-3 დასრულდა "წითლების" სასარგებლოდ.

ბექჰემმა იმ შეხვედრაში დუბლი გიაფორმა, ხოლო რონალდომ ჰეთ-თრიკი. როდესაც ბრაზილიელი შეცვალეს, "ოლდ ტრაფორდმა" იგი აპლოდისმენტებით დააჯილდოვა. მართლაც დაუვიწყარი მატჩი იყო. "