ნათელია, რომ არანაირი ფორმალური საუბრები "იუნაიტედსა" და "რეალს" შორის არ გამართულა, თუმცა "სქაისპორტის" რწმუნებით, მიუხედავად ინტერესისა, გარეთ ბეილი კლუბს არ დატოვებს.

თუ გავიხსენებთ, "იუნაიტედმა" გასულ წლებში უკვე შესთავაზა ბეილს ''ოლდ ტრაფორდზე'' გადასვლა, ეს ჯერ კიდევ მაშინ, სანამ ის "რეალში" რეკორდულ თანხად გადავიდოდა.

ბეილის აგენტმა განაცხადა: "რატომ უნდა გადავიდეს ის სხვა კლუბში ? მადრიდის "რეალი" ნომერ პირველი გუნდია მსოფლიოში. მისდამი ყოველთვის ინტერესდებიან კლუბები, თუმცა მომდევნო ზაფხულის განმავლობაში ის კლუბს არ დატოვებს, ამაში დარწმუნებული ვარ."

ასევე, ბეილმა იანვარში განაცხადა, რომ ის არ დატოვებდა კლუბს, რადგან ბედნიერი იყო ბერნაბეუზე.

"კონტრაქტით კიდევ რამდენიმე წელი დამრჩა. მე მსიამოვნებს აქ ყოფნა, ვიგებთ თასებს და მინდა გავაგრძელო აქ, "რეალში." - განაცხადა ბეილმა.

წყარო: სქაისპორტი