ლუი ,როგორ დაახასიათებდით თქვენი გუნდის დღევანდელ თამაშს? შეიძლება,რომ მას ვუწოდოთ ვუწოდოთ?

მე თამაშის ხარისხით კვლავ კმაყოფილი ვარ, თუმცა იგივეს ვერ ვიტყვი შედეგზე. ჩვენ არ დაგვიმსახურებია მოგება, რა თქმა უნდა, შევქმენით ბევრი მომენტი, თუმცა არ გაგვიმართლა.

უდავოდ, გუნდმა ბევრი მომენტი შექმნა, ერნანდესის დარტყმა, სმოლინგის ძელი... ხომ არ თვლით, რომ გუნდს აკლია შემსრულებელი, რომელიც საჯარიმოში იმოქმედებს?

ყველაფერთან ერთად არ გაგვიმართლა. ჩიჩარიტომ შესანიშნავად იმოქმედა, როდესაც არეულობის შედეგად ბურთი "მოძებნა" და კარში დაარტყა. ფეხბურთში გამართლებაც აუცილებელია, მხოლოდ კარგი თამაშის ხარისხით და უამრავი მომენტით გამარჯვებას ვერ მიაღწევ. ვფიქრობ, შემსრულებელი ბოლო პასის მომენტში გვაკლდა, როდესაც გამჭოლ გადაცემასა ან ჩაწოდებას ვანხორციელებდით, ბევრი არასწორი გადაწყვეტილება მიიღეს მოთამაშეებმა. თუმცა ,როგორც გუნდმა, დღეს კარგად ვიასპარეზეთ და ბოლომდე ვიბრძოდით გამარჯვებისთვის, მე მსიამოვნებს, როცა ამას ვხედავ. თქვენ გესმოდათ ფანების სიმღერა, მე მომწონს ასეთი თამაშები, უბრალოდ შედეგი არ იყო სასურველი.

ბასტიან შვაინშტაიგერი. ეს ტაქტიკური შეცვლა იყო, მას რაიმე პრობლემა აქვს თუ ფორმაში არ არის?

მე მატჩამდე განვაცხადე, რომ ის 60 წუთს ითამაშებდა. გასულ შეხვედრებში მაიკლ კერიკმა ითამაშა 60 წუთი - ახლა კი პირიქით მოხდა. მე ორივე მათგანი უნდა ავათამაშო. გასულ სეზონში კერიკი ხშირად ტრავმიანობდა, ახლა კი ის ჯანმრთელია, რაც ძალიან კარგია გუნდისთვის.

კლუბს აკრიტიკებენ, რადგან ამ კვირაში არ აქტიურობს სატრასფერო ბაზარზე, როგორ ფიქრობთ, კრიტიკა გამართლებულია?

მე ასე არ ვფიქრობ. ამის თაობაზე კომენტარი უკვე გავაკეთე და გამეორებას არ ვაპირებ.

სიტუაცია დე ხეას გარშემო ისევ გაურკვეველია?

ამის შესახებ არაფრის თქმა არ შემიძლია. ეს პროცესია და არასდროს იცი რა მოხდება... გუნდის მენეჯერი ასეთ დროს კარგ მდგომარეობაში ნამდვილად არ არის- მე უნდა დავიცვა კლუბის, ფეხბურთელის, აგენტის, მთელი ორგანიზაციის ინტერესები, ამიტომაც არ შემიძლია არაფრის თქმა. ეს თქვენ, ჟურნალსტებს, შეგიძლიათ ყველაფრის თქმა და ამის გამო არავინ გაგაკრიტიკებთ, აი ამაშია სხვაობა.

მადლობა, ლუი.