"ბრიუგესთან" შესანიშანავად ჩატარებული მატჩით მემფის დეპაიმ ყველა დაარწმუნა, რომ შეუძლია "იუნაიტედის" შეტევას ახალი იმპულსი შემატოს.

"მანჩესტერ იუნაიტედის" გულშემატკივრები დიდ იმედებს ამყარებენ ფეხბურთელზე, რომელიც ლეგენდარული 7 ნომრიანი მაისურის მფლობელია.

პირველი და ყველაზე მნიშვნელოვანი- ისინი ელოდებიან სანახაობირვ და ლაღ თამაშს; მეორე, სტაბილურობასა და მუდმივობას; და ბოლოს, გუნდის სხვა ფეხბურთელებისგან გამორჩეულობას.

ბრაიან რობსონი იყო მებრძოლი ცენტრალური ნახევარმცველი, რომელიც მზად იყო, ნებისმიერი ბურთისთვის ებრძოლა. ერიკ კანტონა - ქარიზმატული და საოცრად ნიჭიერი ფორვარდი; დევიდ ბექჰემი - ტექნიკური ფეხბურთელი და სტანდარტულების მასტერი; კრიშტიანუ რონალდუ კი მსოფლიო საუკეთესო ფეხბურთელი გახდა. დიდი მოლოდინი იყო ანხელ დი მარიაზეც, თუმცა მისი ცხოვრება ინგლისში არ აეწყო, გაუთავებელი ტრავმებისა და ჩაგდებული თამაშების შემდეგ მან გუნდის დატოვება გადაწყვიტა.

ახლა მემფის დეპაის გამოცდის ჯერია.



"ჩემპიონთა ლიგის" საკვალიფიკაციო მატჩში ორი გატანილი გოლისა და ერთი ასისტის შემდეგ ყველამ დაივიწყა პრემიერ ლიგის პირველ ორ თამაშში მისი არცთუ ისე წარმატებული გამოსვლა. რა თქმა უნდა, მოწინააღმდეგე არ ყოფილა ძალიან ძლიერი და საკუთარი შესაძლებლობების დასამტკიცებლად მემფისს ჯერ კიდევ დიდი გზა აქვს გასავლელი. თუმცა, თუ ვლაპარაკობთ გუნდში რაიმე ახალის შემოტანაზე, პირველი ნაბიჯი უკვე გადაგმულია.

დეპაიმ მატჩი მარცხენა ფლანგზე ჩაატარა და რეგულარულად ახერხებდა ბელგიელთა დაცვის ეფექტურად გარღვევას. მან ორი ფანტასტიური გოლი გაიტანა და რამდენჯერმე შეეძლო ეს რაოდენობა კიდევ გაეზარდა. საერთო ჯამში, მან 9 დარტყმა განახორციელა კარის მიმართულებით, რაც პრაქტიკულად მთლიანი გუნდის მაჩვენებლის ნახევარია.



დეპაი გამოირჩევა საკუთარი თავდაჯერებულობით და სურს, რაც შეიძლება ხშირად იყოს ჩართული მატჩში. მას მცირედითაც არ აშინებს "ოლდ ტრაფორდის" სირთულეები. "პსვ"-ს შემადგენლობაში მარცხენა შემტევის პოზიცაიზე თამაშით, მემფისმა 30 მატჩში 22 გოლის გატანა მოახერხა. ამ მატჩის შემდეგ კი გამოჩნდა, რომ მას სადებიუტო სეზონშივე შეუძლია, "იუნაიტედის" წარმატებაში დიდი წვლილი შეიტანოს.

პრემიერ ლიგის პირველ ორ თამაშში ჰოლამდიელმა 10 დარტყმა განახორციელა მეტოქის კარში (დაბლოკილი დარტყმების ჩათვლით). იგივე რეზულტატი აქვს "არსენალის" ალექსის სანჩესს, მასზე კარგი შედეგი კი, მხოლოდ "ლივერპულელ" კოუტინიოს აქვს.



მემფისი სწორედ იმ ტიპის მოთამაშეა, რომელიც "იუნაიტედს" სჭირდებოდა. ჰოლანდეილმა ამ სეზონში უკვე 6-ჯერ სცადა კარის დალაშქვა საჯარიმოს გარედან. შესადარებლად, ამ მხრივ საუკეთესო მაჩვენებლი გასულ სეზონში ეშლი იანგს ჰქონდა, მარცხენა ვინგერის პოზიციაზე მოთამაშე ინგლისელმა 13 დარტყმა განახორციელა საჯარიმოს გარედან. ბურთით მყოფ დეპაის არ ეშინია მოულოდნელი გადაწყვეტილებების მიღება, ის სავსეა ამბიციებით - სწორედ ასეთი ფეხბურთელები ქმნიან "იუნაიტედის" ტრადიციას.

პრემიერ ლიგის 26 მატჩში იანგმა 29 დარტყმა განახორციელა მეტოქის კარის მიმართულებით. "იუნაიტედის" მაისურით ჩატარებულ 3 შეხვედრაში კი დეპაი უკვე 19-ჯერ გამოირჩა ამ კომპონენტში. გარდა ამისა, მემფისს საუკეთესო მაჩვენებელი აქვს ზუსტად განხორციელებული დარტყმების მხრივ. "იუნაიტედმა" ამ სეზონში 10-ჯერ მოახერხა ბურთის კარის ჩარჩოში მოხვედრება, აქედან 6 ჰოლანდიელის ანგარიშზეა.

2015/16 სეზონში "იუნაიტედის" ფეხბურთელების დარტყმები კარის მიმართულებით (ზუსტი)

იმის გათვალისწინებით, რომ მემფისი დიდ აქცენტს აკეთებს დარტყმებზე, საგოლე გადაცემები მისთვის იშვიათობაა. გასულ სეზონში მის ანგარიშზე მხოლოდ 5 ასისტი იყო. მიუხედავად იმისა, რომ მან პირველი შედეგიანი გადაცემა "წითლების" მაისურით შესანიშნავად შეასრულა, მას ბევრი მუშაობა მოუწევს ამ კომპონენტის გამოსასწორებლად. ამაში კი მნიშვნელოვან დახმარებას უეინ რუნისთან ერთად თამაშის გამოცდილება გაუწევს.

ის მხოლოდ 21 წლისაა და მან უკვე ყველას დაანახა, რომ მომავალში "წითელი ეშმაკებისთვის" უმნიშვნელოვანესი ფიგურა იქნება. განსაკუთრებული მიდგომით და გამორჩეული ტალანტით, მას თავისუფლად შეუძლია წარმატებული 7 ნომერი გახდეს.

წყარო: carrick.ru