მიმდინარე სატრანსფერო ფანჯარაზე "იუნაიტედმა" ახალი 7 ნომერი, მემფის დეპაი გაიფორმა 25 მილიონ ფუნტად. გუშინ კი ახალწვეულს შესანიშნავი საღამო გამოუვიდა, როდესაც დუბლის შესრულება მოახერხა და სულ ცოტა დააკლდა ჰეთ-თრიკამდე. მის ტალანტს ეჭქვეშ არავინ აყენებს, თუმცა არის ერთ რამ, რაც ბევრს აინტერესებს მის შესახებ.

მემფის დეპაის მაისურზე მხოლოდ მისი სახელი აწერია და უამრავი კითხვა ჩნდება სოციალურ სივრცეში, თუ რა არის ამის მიზეზი. ახალგაზრდა ჰოლანდიელმა კი ამ კითხვას გუნდში გადმოსვლისთანავე გასცა პასუხი. სულ რაღაც 4 წლის გახლდათ მემფისი, როდესაც მამამისმა ოჯახი მიატოვა და ჰოლადნიელს არ სურს მაისურზე მამამისის გვარი ეწეროს. ამით იგი თავს არიდებს ყოველგვარ კავშირს კაცთან, რომელიც პასუხისმგებლობას გაექცა.

"ასეთი რამ ჩემი ცხოვრების ნაწილია და არა- ფეხბურთის." აცხადებს დეპაი BBC-სთან ინტერვიუში. "ეს სულ სხვა რამეა. ფეხბურთის გარდა ცხოვრებაც არსებობს. მე ბევრჯერ ვიყავი ცუდ სიტუაციაში და სწორედ ეს მაძლიერებს. როგორც ხედავთ, მე მომწონს ჩემი ტატუები და თქვენ პატივი უნდა სცეთ სხვის პირად ცხოვრებას."

წყარო: Mirror