ცოტა ხნის წინ სოციალურ ქსელში ვიდეო გავრცელდა, სადაც "იუნაიტედის" პატარა გულშემატკივარი რობინ ვან პერსის გუნდიდან წასვლას განიცდის. ოთხი წლის ლუი დაიმონდს მშობლებმა ამ ამბის შესახებ ძილის წინ უთხრეს და მისი რეაქცია ვიდეოში დააფიქსირეს.

სამი შვილის მამა, სემ დაიმონდი ამბობს: "გადავწყვიტეთ მისთვის ამის შესახებ ძილის წინ გვეთქვა. მძიმე დღე ჰქონდა, ძალიან დაღლილი იყო, თუმცა ცრემლები მაინც ვერ შეიკავა. არ შეგვეძლო ეს მომენტი არ გადაგვეღო. მე და ჩემი ცოლი მოუთმენლად ველოდებით იმ დღის დადგომას, როცა 10 წელიწადში მას ამ ვიდეოს ვაჩვენებთ."

სემი ბავშვობიდან "იუნაიტედის" გულშემატკივარია, ის პრესტვიჩში ცხოვრობს, მაგრამ მანჩესტერშია გაზრდილი. სემს სამი შვილი ჰყავს: ოთხი წლის ლუი, სამი წლის ჩარლი და 10 თვის სონი, რომლებიც ასევე "წითლების" ფანებად იზრდებიან.



რონინ ვან პერსი თურქეთის პირველი ტურის საშინაო მატჩის დამთავრების შემდეგ ,,მანჩესტერ იუნაიტეტის“ პატარა გულშემატკივარს შეხვდა, რომელმაც მისი გუნდიდან წასვლა განიცადა. ვიდეოს, სადაც პატარა ლუი დაიმონდი ტირის, ვან პერსის ''იუნაიტედიდან'' წასვლის გამო , ინტერნეტში დიდი რაოდენობით ნახვა აქვს. ,,ფენერბახჩეს“ პრეზიდენტმა აზიზ ილდირიმმა მოიწვია პატარა გულშემატკივარი და მისი ოჯახი ტურის პირველ საშინაო მატჩზე, მისი დამთავრების შემდეგ კი გულშემატკივარი ვან პერსის შეახვედრა.