''მანჩესტერ იუნაიტედის" მთავარ მწვრთვნელს, ლუი ვან გაალს კითხვა დაუსვეს იმასთან დაკავშირებით, ბოლომდე ენდობოდა თუ არა თავისი კაპიტნის შესაძლებლობებს. მან ასეთი პასუხი გასცა: "მე ყოველთვის ვენდობი ჩემს ფეხბურთელებს, მაგრამ რუნი არ არის ერთადერთი ფორვარდი გუნდში."

"ჩვენ გვყავს ადნან იანუზაი, რომელმაც ამერიკის ტურნეზე შემტევის პოზიციაზე ითამაშა და დაგვანახა, რომ ამის გაკეთება კარგად ეხერხება. ჩვენ ასევე ჩიჩარიტო და ჯეიმს უილსონი გვყავს. ასე რო,მ არამგონია, ფორვარდების დეფიციტი იყოს გუნდში."

რადამელ ფალკაოსა და რობინ ვან პერსის გუნდიდან წასვლის შემდეგ, უეინ რუნიზე ზეწოლა გაორმაგდა, თუმცა კაპიტანი ჯერჯერობით წნეხს თავს ვერ ართმევს, ვინაიდან პრემიერ ლიგის გასულ ორ ტურში გოლის გატანა ვერ შეძლო და მეტიც, "ვილა პარკზე" მან მხოლოდ ერთხელ შეახო ბურთს ფეხი მოედნის საჯარიმოში. უეინმა ბოლო გოლი 4 აპრილს გაიტანა, მანამდე კი მას 8 უგოლო მატჩი ჰქონდა ჩატარებული.

მიუხედავად ყველაფრისა, რუნიმ წინასასეზონო ტურნეზე განაცხადა, რომ იგი საკმარისი რაოდენობის გოლს გაიტანდა, თუ თავის საყვარელ პოზიციაზე ითამაშებდა. ლუი ვან გაალში სერ ალექსის ჩრდილი გამოჩნდა, როდესაც მან სარკაზსტულად გასცა პასუხი უეინ რუნის ფორმასთან დაკავშირებულ კითხვებს.

"მგონი ერთი წლის განმავლობაში მთელი მედია რჩევას მაძლევდა და მკარნახობდა, რომ რუნი ფორვარდის პოზიციაზე მეთამაშა." აგრძელებს ჰოლადნიელი. "ასე რომ ახლა, ორი მატჩის შემდეგ, თვენ თქვენსავე მოსაზრებას ეჭვისქვეშ აყენებთ. ასეთი რამ არ მესმის."

როდესაც ლუი ჰკითხეს, ხომ არ სჯობდა რუნის უკან, 10-იანის პოზიციაზე, ხუან მატას განთავსება, მან იმავე შინაარსის პასუხი გასცა: "თქვენ უფლება გექნებოდათ შეკითხვოდით "იუნაიტედის" ბორდს, რომ ყოფილიყავით მთავარი მწვრთვნელი. ასე რომ, ეს საკითხი თქვენს კოლეგებთან განიხილეთ, მე მედიასთან დისკუსიის გამართვას არ ვაპირებ."

მსგავსი შინაარსის პასუხები კარგი ტაქტიკური გათვლა იქნებოდა, თუ უეინ რუნი საქმით დაამტკიცებდა თავის შესაძლებლობებს, მაგრამ გუნდი აშკარად განიცდის შეტევის ძალის დეფიციტს და ახალი ფეხბურთელები სჭირდება ამ პოზიციაზე. გასულ წელს, პირველად 19 წლის მანძილზე, გუნდი ჩემპიონთა ლიგის მიღმა დარჩა. სწორედ ესაა მიზეზი იმისა, რომ ისეთ ფეხბურთელს, როგორც პედრო როდრიგესია, "იუნაიტედში" ტრანსფერს უწინასწარმეტყველებენ.

მიუხედავად ყველაფრისა, პრემიერ ლიგის მიმდინარე სეზონში "წითელმა ეშმაკებმა" ქულების მაქსიმუმი მოაგროვეს და ვან გაალი აცნობიერებს, რომ გაუმჯობესება მაინც გარდაუვალია. "ეს ყოველთვის ასეა. მენეჯერს სურს, იხილოს იდეალური თამაში."

"ფეხბურთელები არ არიან ფორმის პიკში და ჩვენ ჯერ კიდევ გრძელი გზა გვაქვს გასავლელი. მიუხედავად ამისა, წელს უკეთესი სტარტი გვაქვს წინა წელთან შედარებით. ასევე კარის 2ჯერ მშრალად შენახვამ დაგვანახა, თუ რაოდენ დაბალანსებულია გუნდი. ასე რომ, მე თავდაჯარებული ვარ და ვიმედოვნებ, რომ ფეხბურთელებისგან მალე მივიღებ იმ დონეს, რასაც მოვითხოვ." დაასრულა ვან გაალმა.

წყარო: Mirror

უნდა გადაინაცვლოს დროებით რუნიმ სათადარიგოთა სკამზე?

არა, ფორმაში მალევე ჩადგება

დიახ. სხვებს უნდა მისცეს შანსი

ხმის მიცემა შედეგები