თბილისი:
მანჩესტერი:
10-08-2015, 16:04
ავტორი: Wardell,
ნანახია: 2054,
კომენტარები: 8
"ბლოგი დაბრუნდა"
ხუან მატას ყოველკვირეული ბლოგი.
სალამი ყველას!

აი, კიდევ ერთი სეზონით ვარ აქ და ისევ ძველებურად ვეცდები, ჩემი შთაბეჭდილებები გაგიზიაროთ. ვეცდები, მოგიყვეთ, რა ფიქრები ტრიალებს ჩემს თავში პირველი ტურის შემდეგ, ვუპასუხებ თქვენს კითხვებს და გესაუბრებით, ჩემი აზრით, საინტერესო თემებზე.

მთელი მსოფლიოს მასშტაბით ძალიან ბევრმა ადამიანმა მკითხა ჩემი ბლოგის შესახებ და ეს ძალიან მახარებს. ყველაფერი 3 წლის წინ დაიწყო და ეს მხოლოდ ჩვეულებრივი რამ იყო, ახლა კი ყოველკვირეულად თქვენ გვერდით ვარ და მომხმარებელთა რიცხვიც დღითიდღე იზრდება. პირველი დღიდან მოყოლებული ბევრი კარგი და ცუდი ამბავი გადამხდენია, თუმცა იმედი მაქვს, ეს სეზონი მხოლოდ დადებითი ისტორიებით იქნება სავსე.

სეზონის სტარტი კარგი გამოგვივიდა, რაც ძალიან მნიშვნელოვანია. წინასასეზონო ტურნე, რომელიც ამჯერადაც შტატებში გაიმართა, ფანტასტიკური იყო, როგორც ორგანიზების, ისე გულშემატკივრის მხარდაჭერის კუთხით, თუმცა ეს სიახლე არ ყოფილა ჩემთვის. შაბათს პრემიერ ლიგის პირველი მატჩი ჩავატარეთ, საკმაოდ ძლიერ მეტოქესთან. შარშანდელი გამოცდილებიდან ვიცოდით, რომ მაქსიმალურად კონცენტრირებული უნდა ვყოფილიყავით მატჩზე და შეცდომის დაშვების უფლება არ გვქონდა. საბედნიეროდ, ყველაფერმა კარგად ჩაიარა.

ალბათ, შეამჩნევდით, რომ თამაშის ხარისხი იდეალურისგან ძალიან შორს იყო, თუმცა ეს გასაგებია, რადგან მხოლოდ პირველი ოფიციალური მატჩი ჩავატარეთ, მოთამაშეებს მატჩის რიტმი გვაკლია, რაც დროის ფაქტორია. პირველი ტური ყველასთვის ძალიან რთულია, ამას ისიც დაემატა, რომ საკმაოდ ძლიერმა მეტოქემ პრესინგის თამაში გადაწყვიტა, თუმცა ამის მიუხედავად, პირველივე ნახევარში მოვახერხეთ გოლის გატანა, რაც საკმარისი იყო სამი ქულისთვის. "ოლდ ტრაფორდმა" ბევრი ახალი სახე იხილა და მინდა ვთქვა, რომ ყველა მათგანმა ძალიან კარგად ითამაშა. ძალიან სასიხარულოა იმის ნახვა, თუ როგორ ადვილად შეეწყვნენ ისინი ახალ გუნდს და როგორი თბილი დახვედრა მიიღეს გულშემატკივრისგან.

როგორც უკვე აღვნიშნე, მთავარი იყო გამარჯვება. ეს მხოლოდ იმიტომ არა, რომ გასულ სეზონში ცუდი სტარტი გვქონდა, უქმეებმა დაგვანახა, თუ რამდენად რთულია დადებითი შედეგის მიღწევა საწყის ეტაპზე.

დღეიდან ჩვენ მხოლოდ შემდეგ მატჩზე ვფიქრობთ, რომელიც "ასტონ ვილას" წინააღმდეგ გვექნება. მათ სეზონი კარგად დაიწყეს, დაამარცხეს რა, ახალწვეული "ბორნემუთი" გასვლაზე. ამის შემდეგ ძალიან საინტერესო და საპასუხისმგებლო მატჩი გველის: ჩემპიონთა ლიგის პლეი-ოფის პირველი შეხვედრა, "ბრიუგეს" წინააღმდეგ, თუმცა სჯობს ნაბიჯ-ნაბიჯ მივყვეთ. ახლა მხოლოდ პრემიერ ლიგაზე უნდა ვიყოთ კონცენტრირებულები და ვეცადოთ, ჩვენი მონაგარი კიდევ 3 ქულით გავამდიდროთ.

დიდი სიამოვნებით გავაგრძელებდი თქვენთან ლაპარაკს და ზაფხულის ამბების მოყოლას, თუმცა არ მინდა, თავი მოგაბეზროთ. მინდა დიდი მადლობა გადაგიხადოთ ყველაფრისთვის, თქვენ მხარდაჭერას ყველგან ვგრძნობდი. იმედი მაქვს, ერთად ძალიან კარგი სეზონი გვექნება და ბევრ ძალიან მნიშვნელოვან გამარჯვებას ვიზეიმებთ.

ბედნიერ კვირას გისურვებთ.

ყველას ძალიან გეხვევით!

გკოცნით!

p.s. რას ფიქრობთ ახალი ფორმის შესახებ? მე ძალიან მომწონს რეტრო სტილი!
მატას ბლოგი
8 კომენტარი
№1
ავტორი: Mufc7
10 აგვისტო 2015 16:54
  • სიახლეები: 31
  • კომენტარები: 3018
დაგვიბრუნდა ჩვენი პოზიტივი love სულ რომ ცუდად მიდიოდეს საქმე, მისი სიტყვები ისე დაგამშვიდებს და აგავსებს ოპტიმიზმით feel ფორმას რაც შეეხება, უარესს ველოდი ადიდასისგან, მაგრამ არა უშავს მაინც wink მაგრამ ჩემი ნაიკი სულ სხვაა მაინც recourse
0
_ _ _ _ _ _ _ _ _ _ _ _ _ _ _ _ _ _ _ _ Money can't make history, history makes only legend, legend is only love. Love is MANCHESTER UNITED!
№2
ავტორი: GeorgeBest
10 აგვისტო 2015 16:58
  • სიახლეები: 1599
  • კომენტარები: 12134
ფორმა მართლა მაგრად მომეწონა, არ ველოდი ესეტს. ფეხბურთელები რო ვნახეთ ფორმებში უფრო მაგარი გამოჩნდა მგონი wink საღოლ ადიდასს, არც ლოგო ჩანს ძაან ნიტოდ როგორც ეს შარშანდელ ფორმაზე იყო

ვიქნები ოპტიმისტი და ესეთ თამაშს სეზონის სტარტს და გუნდის შეუთამაშებლობას დავაბრალებ. 5 დებიუტანტი იყო მოედანზე და ნელ-ნელა იმედია ყველაფერი თავის ადგილას დადგება
0
№3
ავტორი: rene harrison_
10 აგვისტო 2015 17:11
  • სიახლეები: 17
  • კომენტარები: 273
hakuna matatamac unda moumatos
0
№4
ავტორი: AkkRed
10 აგვისტო 2015 18:00
  • სიახლეები: 74
  • კომენტარები: 4669
ყველაზე მეტად მსურს რომ შემდეგ ტურებში ასეთი თამაში არ ვაჩვენოთ
0
№5
ავტორი: Best 7
11 აგვისტო 2015 00:56
  • სიახლეები: 154
  • კომენტარები: 2717
Magari kacia raa xuanito optimistis aghsavse!
0
№6
ავტორი: ვახო ( G G M U)
11 აგვისტო 2015 09:40
  • სიახლეები: 0
  • კომენტარები: 4327
იმედია 10-ზე დაგაბრუნებს, თორე ესე გაგვიჭირდება კარგი ფეხბურთის თამაში, როცა ფეხბურთელები იმ ადგილზე არ დგანან სადაც თავიაანთი ადგილია.
0
№7
ავტორი: chudikone
11 აგვისტო 2015 10:57
  • სიახლეები: 385
  • კომენტარები: 3206
აი ვერ ვხვდები რა საჭიროა ექსპერიმენტები და ქიმიური აღმოჩენები. ხო შეიძლება ეს კაცი თავის პოზიციიაზე ათამაშო და მემფისი თავისაზე, არა ?! გადამრევს ეს კაციი რაა.. ფორმას რაც დეეხება მე შარშანდელზე მეტად ეს მომწონს
0
_ _ _ _ _ _ _ _ _ _ _ _ _ _ _ _ _ _ _ _
I saw my mate The other day, He said to me I’ve seen the white Pele
So I asked who is he, He goes by the name of Wayne Rooney.
Wayne Rooney
Wayne Rooney
He goes by the name of
Wayne Rooney!
№8
ავტორი: Gega Beckham
11 აგვისტო 2015 13:48
  • სიახლეები: 0
  • კომენტარები: 58
ძალიან დადებითი ადამიანია, მიხარია რომ ჩვენ გუნდშია :)
0
ინფორმაცია
ჯგუფ სტუმარი-ის წევრებს არ აქვთ კომენტარის დატოვების უფლება.

ავტორიზაცია

მომდევნო მატჩები

19 ივნისი 2020, 23:15
ტოტენჰემი
იუნაიტედი
პრემიერ ლიგა
24 ივნისი 2020, 21:00
იუნაიტედი
შეფილდი
პრემიერ ლიგა
27 ივნისი 2020, 23:15
ნორვიჩი
იუნაიტედი
ინგლისის თასი
ტოტენჰემი19 ივნისი
შეფილდი24 ივნისი
ნორვიჩი27 ივნისი

შემოგვიერთდი

წინა მატჩები

12 მარტი 2020, 21:55
ლასკი0
იუნაიტედი5
ევროპა ლიგა
8 მარტი 2020, 20:30
იუნაიტედი2
სიტი0
პრემიერ ლიგა
5 მარტი 2020, 23:45
დერბი0
იუნაიტედი3
ინგლისის თასი
ლასკი12 მარტი
სიტი8 მარტი
დერბი5 მარტი

შემოგვიერთდი

პრემიერ ლიგა

ჩამოშლა
ყველა უფლება დაცულია

© MANUTD.GE 2012

Top