ინგლისის პრემიერ ლიგის 2015/2016 წლების სეზონის პირველი მატჩი "ოლდ ტრაფორდზე" გაიმართა, სადაც ერთმანეთს "მანჩესტერ იუნაიტედი" და "ტოტენჰემი" დაუპირისპირდნენ. საწყის წუთებში უპირატესობას სტუმრები დაეუფლნენ და პირველი რეალური მომენტიც მათ შექმნეს. მე-4 წუთზე ანგარიშის გახსნა კრისტიან ერიკსენს შეეძლო, თუმცა ბურთი კარს ზემოდან გადაცდა. ვან გაალის გუნდის პირველივე შეტევა გოლით დასრულდა - უოლკერმა რუნის დაასწრო და ავტოგოლი მიითვალა. 22-ე წუთზე მანჩესტერელები დაწინაურდნენ. სტუმრებმა რამდენიმე სახიფათო მომენტი კვლავ შექმნეს, მაგრამ დებიუტანტი სერხიო რომეროს კარგი თამაშის წყალობით "იუნაიტედმა" ანგარიშის შენარჩუნება მოახერხა და პირველი 3 ქულა ჩაიწერა აქტივში.

მომდევნო მატჩში "მანჩესტერ იუნაიტედი" "ასტონ ვილას" დაუპირისპირდება. შეხვედრა 14 აგვისტოს გაიმართება.

მანჩესტერ იუნაიტედი – ტოტენჰემი 1-0

სტადიონი: "ოლდ ტრაფორდი"
გოლი: უოლკერი 22 ს.კ.
გაფრთხილებები: შვაინშტაიგერი, მატა, ვერტონგენი, დაიერი, უოლკერი
მსაჯი: ჯონათან მოსი

მანჩესტერ იუნაიტედი: რომერო, ბლინდი, სმოლინგი, დარმიანი (ვალენსია 81), შოუ, კერიკი (შვაინშტაიგერი 60), შნეიდერლენი, დეპაი (ერერა 68), იანგი, მატა, რუნი.

ტოტენჰემი: ვორმი, ვერტონგენი, ალდერვეირელდი, დევისი, უოლკერი, ბენტალები (მეისონი 53), დაიერი (ელი 77), დემბელე (ლამელა 68), ერიკსენი, ჩადლი, კეინი.