რამდენიმე დღის წინ თითქოს სერხიო რამოსი და მადრიდის "რეალი" ახალ კონტრაქტზე შეთანხმდნენ და პრობლემა მოგვარებული იყო, თუმცა ესპანური CADENA SER-ი აცხადებს, რომ "სამეფო კლუბის" ცენტრალურმა დამცველმა სერხიო რამოსმა კონტრაქტის გაგრძელებაზე უარი განაცხადა. პრესის თქმით კლუბის პრეზიდენტმა ფლორენტინო პერესმა ესპანელ ფეხბურთელს წლიურ გასამრჯელოდ მხოლოდ 7.5 მილიონ ევრომდე გაზრდა შესთავაზა, რაზეც ფეხბურთელი 10 მილიონს ითხოვს და დათმობაზე წასვლას არ აპირებს. ექსპერტები ვარაუდობენ, რომ პერესი იმდენს იზამს, რამოსს იკერ კასილასივით გააქცევს გუნდიდან და ეს გუნდი სავარაუდოდ "მანჩესტერ იუნაიტედი" იქნება, რომელიც სერხიოს 12 მილიონიან ანაზღაურებას პირდება.

წყარო: www.cadenaser.com