ანხელ დი მარიამ აღტაცება გამოხატა ''იუნაიტედიდან'' ''პსჟ''-ში მისი მოახლოებული გადასვლის თაობაზე. მართალია, აღნიშნული ტრანსფერი ჯერ ოფიციალურად არ დადასტურებულა, მაგრამ ვინგერმა სამედიცინო შემოწმება დოჰაში უკვე გაიარა მას შემდეგ, რაც ''იუნაიტედი'' დათანხმდა ფრანგული მხრიდან დასახელებულ 44.3 მილიონ ფუნტს და მათ ნება დართო, აწარმოონ მოლაპარაკებები.

არგენტინელი ''ოლდ ტრაფორდს'' გასულ ზაფხულს 59.7 მილიონ ფუნტად შემოუერთდა, მაგრამ ბრწყინვალე სტარტის შემდეგ მისი კარიერა წარუმატებლად აეწყო და უკანასკნელი 10 შეხვედრიდან მხოლოდ 1 მატჩი დაიწყო ''იუნაიტედის'' რიგებში.

თებერვალში მომხდარი ინციდენტის გამო, დი მარიამ საცხოვრებელი გამოიცვალა და ჩეშირის საგრაფოში საკუთარი ბინა გაყიდა. შეგახსენებთ, რომ ანხელს მძარცველები მაშინ დაესხნენ თავს, როცა იგი ოჯახთან ერთად იმყოფებოდა. მას შემდეგ დი მარია ფილ ნევილის კუთვნილ საცხოვრებელში ცხოვრობდა.

დი მარიას ივნისში გაკეთებულ განცხადებაში ნათქვამი იყო, რომ მას სურდა, დარჩენილიყო ვან გაალის გვერდით, თუმცა მიუხედავად ამ სურვილისა, იგი კლუბს ტურნეზე, ა.შ.შ-ში არ შეუერთდა.

''პსჟ''-ს მთავარმა მწვრთნელმა, ლორან ბლანმა გასულ ხუთშაბათს განაცხადა, რომ კლუბები ტრანსფერის შეთანხმებასთან ახლოს იყვნენ და ''ბენფიკას'' ყოფილი ვარსკვლავი კონტრაქტზე ხელის მოსაწერად უკვე ემზადებოდა.

დი მარია: ''მე ძალიან ბედნიერი ვარ ''პსჟ''-ში გადასვლით. რაც მე ვიცი ''პსჟ''-ს შესახებ არის ის, რომ ის არის გუნდი, რომელმაც მოიგო ყველა შესაძლო ტიტული საფრანგეთში გასულ სეზონს. ეს ძალიან მნიშვნელოვანია.''

''მათ ჩემპიონთა ლიგის მეოთხედფინალში შეძლეს ეს, ამიტომ პარიზში ჩასვლა ჩემი მიზანი იყო, დავეხმარო მათ მეოთხედფინალის ბარიერის გადალახვაში, იმიტომ, რომ ისინი მთელი ძალით ცდილობდნენ წარმატების მიღწევას ბოლო ორ სეზონში.''

''მე ვეცდები, ჩემი შესაძლებლობების მაქსიმუმი გავაკეთო, მე შემიძლია დავეხმარო კლუბს ამ მიზნების განხორციელებაში და მივაღწიოთ ფინალურ ეტაპს ჩემპიონთა ლიგაზე.''

წყარო: skysports