"იუნაიტედის" ახალგაზრდა კიპერს, სემ ჯონსტონს იმედი აქვს, რომ ლუი ვან გაალის გუნდში ადგილს მიიღებს.

22 წლის მეკარე გასულ წელს "პრესტონში" შესანიშნავად ასპარეზობდა და ჩემპიონატის პლეი-ოფის ეტაპიდან გასვლაში დიდი როლი ითამაშა. ცოტა ხნის წინ კი, მათმა მთავარმა მწვრთნელმა, საიმონ გრეისონმა განაცხადა, რომ სემი სათადარიგოთა სკამზე ჯდომას არ იმსახურებს და მის გადაწყვეტილებას დაელოდება.

"თუ "პრესტონში" დავბრუნდი, მინდა, რომ ეს იჯარით იყოს. თუმცა, თავდაპირველად მინდა ვნახო, თუ რა მოხდება აქ, "მანჩესტერ იუნაიტედში". ჩვენი მწვრთნელი ახალგაზრდებს შანსს ძალიან ხშირად აძლევს.

"იუნაიტედში" 10 წელზე მეტია ვარ. ამიტომ შევაფასებ სიტუაციას, გავესაუბრები ხალხს და გავიგებ, თუ რა უნდათ ჩემგან აქ. თუ მეტყვიან, რომ სხვაგან უნდა წავიდე ,ასეც მოვიქცევი, მაგრამ ეს ჯერჯერობით არ მოხდება. ახლა კი მუშაობასა და მწვრთნელზე შთაბეჭდილების მოხდენას ვაპირებ.

მე გრეისონის ინტერვიუ ვნახე და ეს, რა თქმა უნდა, კარგია. იქ თამაში ძალიან მომწონდა. მთავარი მწვრთნელი, თანაგუნდელები, გულშემატკივრები და კიპერის მწვრთნელი- ყველანი შესანიშნავები იყვნენ. თუმცა მე არ ვაპირებ "პრესტონში" წასვლას სეზონის დასრულებამდე. ნებისმიერ შემთხვევაში, გადაწყვეტილებას ერთობლივად მივიღებთ,"-განაცხადა სამუელმა

წყარო: Manutd.ru