ახალგაზრდა ტალანტი, ადნან იანუზაი, საკუთარ თავში დარწმუნებულია და სურს დაამტკიცოს, რომ მას 10-იანის პოზიციაზე თამაში ნამდვილად შეუძლია.

"მე მომწონს ეს პოზიცია. ბავშვობაში სულ "ათიანზე" ვთამაშობდი. ბოლო 2-3 წლის განმავლობაში კი ფლანგზე მომიწია თამაში. მომწონს შეტევაში თამაში, თუმცა მზად ვარ, იქ ვითამაშო, სადაც მენეჯერი მეტყვის,"-განაცხადა იანუზაიმ MUTV-სთან ინტერვიუში

ასევე ადნანმა დუბაიში მოგზაურობაზე ისაუბრა, სადაც ბელგიელი შოუსთან და "იუნაიტედის" სამწვრთნელო შტაბის ერთ-ერთ წევრთან დამატებით ვარჯიშებს ატარებდა.

"ჩვენ გადავწყვიტეთ ეს გაგვეკეთებინა იმისთვის, რომ გასულ წელთან შედარებით უკეთესები ვყოფილიყავით. გასულ სეზონში იშვიათად ვთამაშობდი, ახლა კი უნდა ვიყო საუკეთესო და ჩავატარო იმდენი მატჩი, რამდენიც შემიძლია.

ინდივიდუალური მწვრთნელის მოწვევა ფიზიკური ვარჯიშებისთვის საკუთარი გადაწყვეტილება იყო, რადგან გვინდოდა გვემუშავა და მომავალ სეზონში რაიმესთვის მიგვეღწია. ეს ვარჯიშები ფიზიკური ფორმის გაუმჯობესებაში ძალიან დამეხმარა.

დუბაიში 50 გრადუსიანი სიცხე იყო, თუმცა ჩვენ ეს დაგვეხმარა. ვიყავით დაკავებულები სხვა სპორტის სახეობებითაც და მოედანზე ბურთთან ერთად ვმუშაობდით. ასეთ სიცხეში თამაში ძნელია, თუმცა ეს ჩვენ დაგვეხმარა,"

წყარო: Redevils.ru