აწ "ფენერბაჰჩეს" ფორვარდმა, რობინ ვან პერსიმ განაცხადა, რომ ლუი ვან გაალმა მას თავის წარმოჩენის შანსი არ მისცა და სწორედ ამიტომ, იძულებული გახდა "იუნაიტედი" დაეტოვებინა.

31 წლის ფორვარდის განცხადებით, მან არასასიამოვნო მომენტი "ჩელსის" წინააღმდეგ მატჩის დროს იგრძნო. ჰოლანდიელმა ხსენებული მატჩის 90-ვე წუთი სათადარიგოთა სკამზე გაატარა.

"ეს იყო პირველი სიგნალი, როდესაც მივხვდი, რომ ყველაფერი რიგზე არ იყო. სათამაშო პრაქტიკის მიღების მიზნით, მთხოვეს რეზერვისტთა გუნდში მეთამაშა, მაგრამ შემდეგ კვლავ სკამზე აღმოვჩნდი. ლუისა და ჩემს შორის ურთიერთობა შეიცვალა და ხალხი კი ამას ხედავდა. მე კი საჭირო გადაწყვეტილება მივიღე.

მე არ ვაპირებდი გუნდის დატოვებას. ბუხრა და ბავშვები ბედნიერები იყვნენ. მანჩესტერში ყოფნით მეც კმაყოფილი ვიყავი. ვან გაალზე აზრი შემეცვალა. როცა ის ნაკრების მწვრთნელი იყო, მან მითხრა, რომ მხოლოდ მესამე ფორვარდი ვიქნებოდი, მე კი დავთანხმდი და ძირითად შემადგენლობაში მოსახვედრად ბრძოლა დავიწყე. შედეგად გავხდი მთავარი შემტევი და ჰოლანდიის ნაკრების კაპიტანი.

მაგრამ როდესაც გუნდში დავბრუნდი, ძირითადში მოსახვედრად სამართლიანი ბრძოლა არ ყოფილა. მე არ მქონდა მოედანზე გამოსვლის შანსი. მან სათადარიგოთა მოედანზე გამიშვა, მაგრამ უკვე ბავშვი აღარ ვარ.

მიუხედავად ამისა, არ ვარ სულელი. მე არ გავბრაზებულვარ და ემოციები არ გამომიხატავს, რადგან ეს ფეხბურთის ნაწილია. ნებისმიერ სიტუაციაში ადამიანმა უნდა ისარგებლოს და ეს "იუნაიტედის" დატოვებით გავაკეთე,"-განაცხადა რობინმა

წყარო: Manutd.ru