Sky Sport Italia-ს მიერ გავრცელებული ინფორმაციით, არგენტინის ნაკრებისა და ყოფილი "სამპდორიას" კარის დარაჯი, სერხიო რომერო, "იუნაიტედში" გადასვლასთან ძალიან ახლოსაა. რომერო ამჟამად სიეტლში იმყოფება, სადაც "ეშმაკები" ამერიკული ტურნესათვის არიან დაბანაკებულები. არგენტინელი სამედიცინო შემოწმებას იქ გაივლის და შემდეგ ახალ კლუბს შეუერთდება.

რომერო "ოლდ ტრაფორდზე" ესპანელი კიპერს, ვიქტორ ვალდესს შეცვლის. მოგეხსენებათ, "ბარსელონას" ყოფილმა ფეხბურთელმა ლუი ვან გაალზე უკმაყოფილება გამოთქვა და ამჟამად კლუბის დატოვების პროცესშია. აღსანიშნავია, რომ არგენტინელი, ესპანელი წინამორბედის მსგავსად, კლუბს უფასოდ შეუერთდება, რადგან მისი კონტრაქტი "სამპდორიასთან" 1 ივლისს ამოიწურა.

წყარო: Manutd.ru