მოგეხსენებათ, დღეს "იუნაიტედმა" მექსიკური "ქლაბ ამერიკა" მინიმალური ანგარიშით 0:1 დაამარცხა. მატჩის შემდეგ კი, ვან გაალმა, ტრადიციულად , პრესკონფერენცია გამართა და რამდენიმე თემაზე ისაუბრა.

გუნდის თამაშზე:

"ეს ჩვენი პირველი თამაშია, ამიტომ ყველას 45 წუთი თამაშის საშუალება მივეცი. მინდოდა დავკვირვებოდი ჩვენი თამაშის ორგანიზებულობას დაცვაში და სიმართლე გითხრათ, სწორედ რომ ეს იყო ჩემი ძირითადი ასპექტი, რაზეც დიდი ყურადღება გავამახვილე. ჩვენ მოწინააღმდეგეს გოლის გატანის არა, მაგრამ რამდენიმე მომენტის შექმნის საშუალება მივეცით, საერთო ჯამში, კმაყოფილი ვარ. რაც შეეხება მოწინააღმდეგე გუნდის ფეხბრუთელებს, ისინი ძალიან სწრაფები და აგრესიულები იყვნენ, ამიტომ ვერ ვიტყვი, რომ გამარჯვება ძალიან მარტივად მოვიპოვეთ. ყველა ფეხბურთელმა გააკეთა ის, რაც საჭირო იყო, მათ დავალებას თავი გაართვეს და ამით ძალიან ბედნიერი ვარ. ჩვენ გავიმარჯვეთ და ტურნირზე წარმატებით ასპარეზობას განვაგრძნობთ.

მორგან შნეიდერლინის გოლზე:

მან "საუთჰემპტონის" რიგებში თუ არ ვცდები, 5 ბურთი გაიტანა, ასე რომ, მისი გოლები შემთხვევითობა არაა. იგი გუნდში ძალიან კარგად ვარჯიშობდა და მისი თამაშით კმაყოფილი ვარ. თავიდანვე ვიცოდით "ამერიკის" სუსტი მხარის შესახებ. მათი ფეხბრუთელების უმრავლესობას თავით თამაში არ შეუძლია და სწორედ ეს იყო ჩვენი უპირატესობა. ჩვენ მაღალი მოთამაშეები გვყავს და მეორე სართულზე თამაშით პრემიერ ლიგაშიც გამოვირჩევით.

ფეხბურთელებზე, რომლებიც მოედანზე ვერ გამოვიდნენ:

დე ხეასა და ვალენსიას უმნიშვნელო ტრავმა აქვთ და ამიტომ არ გავრისკეთ. მარუან ფელაინი დისკვალიფიკაციის გამო პრემიერ ლიგის პირველ 3 ტურს გამოტოვებს, მას კი მოსამზადებლად დიდი დრო ექნება. რაც შეეხება შონ გოსს, იგი მოედანზე ჩემი გადაწყვეტილებით არ გამოვიდა.

სიეტლის მოედნის საფარზე:

"ასეთ მოედანზე თამაში ადვილი არ ყოფილა. საფარის პირველი ფენა ხელოვნური იყო, ამიტომ მინდორი მუდმივად მოძრაობდა. ნახეთ, თუ როგორ სრიალებდნენ ფეხბურთელები მატჩის მიმდინარეობისას. დიდი პრობლემა ის არის, რომ ასეთ სტადიონზე თამაშისას ტრავმის მიღების ალბათობა ძალიან დიდია. გასულ წელს "რეალის" წინააღმდეგ თამაშისას იმავე პრობლემას ჰქონდა ადგილი. შეერთებული შტატების მოედანი სხვა სტადიონებისგან ამით განსხვავდება. ინგლისში "ოლდ ტრაფორდს" მხოლოდ საფეხბურთო მატჩებისთვის იყენებენ. აქ კი სხვადასხვა შოუებს მართავენ. ბრიტანეთში ფეხბურთით, ხოლო ამერიკაში ამერიკული ფეხბურთითა და ბეისბოლით ცხოვრობენ.

დარჩენილ სამ მატჩზე:

"ჩვენ ამ ტურნირს თამაშის რიტმის დარეგულირების მიზნით ვიყენებთ. მომდევნო მატჩში "სან ხოსეს" ვუპირისპირდებით და დღევანდელის მსგავსად, ყველა 45 წუთი ითამაშებს. ეს ჩვენი ფილოსოფიაა, ამიტომ ჩვენ 60 და 30 წუთიან დროის მონაკვეთებში გადავალთ.

გრძელვადიან პერსპექტივაში ბლინდის ცენტრალურ მცველად გამოყენების საკითხზე:

"შესაძლოა, დეილიმ აქ ითამაშოს. მარკოს როხო აქ არ არის, ის 25 ივლისს ჩამოდის. ყოველთვის მინდა, რომ ცენტრალური მცველი მემარცხენე იყოს და ეს დეილის შეუძლია. ამ პოზიციაზე მრავალ ფეხბურთელს უთამაშია. გასულ სეზონში პატრიკთან ერთად რეგურალურად ასპარეზობდა სმოლინგი-ჯონსის დუეტი, თუმცა მე ცაცია მცველებს ვამჯობინებ, ასეთი კი, როხოსა და ბლინდის სახით ორი გვყავს,"-განაცხადა ლუიმ

წყარო: Manutd.ru